AES salýdy qoldaý jónindegi halyq shtabynyń jumysy búgin Pavlodar oblysynda jalǵasty. Senat Tóraǵasy Máýlen Áshimbaev bastaǵan depýtattar, sarapshylar jáne qoǵam qaıratkerleri Aqsý, Pavlodar qalalarynda bolyp, energetıkalyq korporaııanyń ujymymen, sondaı-aq, metallýrgııa salasynda eńbek etetin mamandarmen kezdesti. Shtab músheleri sarapshylar qaýymdastyǵymen jáne belsendi jastarmen de júzdesti. Is-sharalar barysynda AES salý máselesine qatysty referendýmnyń mańyzy men máni talqylandy.
Eýrazııalyq energetıkalyq korporaııasynyń jáne Qazaqstan alıýmınııi kompanııasynyń ujymdarymen kezdesýlerde Shtab músheleri energetıka salasyndaǵy mańyzdy problemalarǵa, naqty aıtqanda, onyń tapshylyǵyna jáne elektr stansalarynyń tozýy men ımportqa táýeldilik máselelerine jan-jaqty toqtaldy.
Senat Tóraǵasy atap ótkendeı, Qazaqstan jan basyna shaqqandaǵy kómirqyshqyl gazynyń shyǵaryndylary boıynsha álemde aldyńǵy oryndardyń birin alady. Osy oraıda elimizde kómirtegi qaldyǵyn azaıtý úshin óndiriske ınnovaııany keńinen engizýdiń mańyzy zor. Bul rette eldegi energııa tapshylyǵyn aýaǵa kómirqyshqyl gazyn barynsha az shyǵaratyn energııa kózderi arqyly sheshý máselesi óte ózekti.
«Prezıdentimiz Qasym-Jomart Kemeluly Toqaevtyń maquldaýymen 6 qazanda elimizde AES salý máselesine qatysty respýblıkalyq referendým ótedi. Referendýmnyń mańyzy men mindetterin jan-jaqty túsindirý úshin Halyq shtaby quryldy. Onyń quramynda depýtattar, partııalar men túrli uıymdar jáne el erteńine beı-jaı qaramaıtyn belsendi azamattar bar. Qazirgi tańda elimizde jumys istep turǵan kómir stansalarynyń tozý deńgeıi shamamen 70 paıyzǵa jetti. Árıne, elimiz tabıǵı resýrstarǵa baı. Degenmen, olardyń kópshiligi qaıta qalpyna kelmeıtin resýrstar ekenin eskerýimiz kerek. Iaǵnı olardyń qory sheksiz emes. Sondyqtan eldiń jarqyn bolashaǵyn qamtamasyz etetin, erteńgi kúnge degen senimdi arttyratyn turaqty jáne qaýipsiz energııa kózi qajet. Bul rette dál osy atom elektr stansasy uzaq jyldar boıy energııamen qamtamasyz etetin áleýetke ıe», – dedi Máýlen Áshimbaev.
Sonymen qatar Shtab músheleri Jastar bastamalaryn damytý ortalyǵynda óńirdiń belsendi jastarymen kezdesti. Palata Spıkeri el bolashaǵyna yqpal etetin másele kún tártibine shyǵarylǵan referendýmǵa jastardyń belsendi qatysýy mańyzdy ról atqaratynyn aıtty. Shtab músheleri óńirdegi sarapshylar qaýymdastyǵymen kezdesýde jalpyulttyq referendým eldiń damýy jolynda sheshýshi mánge ıe ekenine toqtalyp ótti. Suhbat kezinde AES-tiń elge berer ıgiligin halyqqa sapaly ári jan-jaqty túsindirýdiń mańyzdy ekeni de aıtyldy.
