Meta korporaııasy Facebook, Instagram jáne Threads jelilerindegi dezınformaııany áshkereleý úshin qazaqstandyq Factcheck.kz saıtyn vırýsty dezınformaııa men jalǵan aqparatty anyqtaıtyn baǵdarlamasyna qosty. Bul týraly Factcheck.kz jarııalady, dep habarlaıdy “Adyrna” ulttyq portaly.
Úshinshi taraptyń faktilerdi tekserý baǵdarlamasy 2016 jyldan beri jumys istep keledi. Sodan beri oǵan dúnıe júzinde 60-tan astam tilde jumys isteıtin ári Halyqaralyq faktchekıń jelisiniń (IFCN) qatań irikteýinen ótken 100-den astam táýelsiz uıym qosyldy. Baǵdarlamaǵa qatysatyn faktchekerler dezınformaııany áshkerelep, oǵan jalǵan, ishinara ne jartylaı jalǵan ıa bolmasa ózgertilgen degen baǵa beredi.
Meta jalǵan aqparatpen tıimdi kúresý úshin kontenttiń ras-ótirigin tekseretin álemniń túkpir-túkpirindegi táýelsiz faktchekerlermen seriktestik ornatqan. Faktchekerler aqparatty jalǵan, ishinara jalǵan ıa bolmasa ózgertilgen dep baǵalaǵan soń, Meta paıdalanýshylardyń ol jańalyqty kórý múmkindigin azaıtady. Bul jalǵan aqparattyń taraýyn tejep, ony kóretin adam sanyn azaıtýǵa kómektesedi. Jalǵan kontentti jıi jarııalaıtyn paraqshalar, toptar men akkaýnttardyń kórilimi azaıyp, olardyń monetızaııa men jarnama jasaý múmkindikteri shekteledi. Jazba jalǵan dep belgilense, Meta jazbany kórgen ne ony bóliskisi kelgen adamdarǵa bul týraly eskertedi.
Mańyzdy eskertý: faktchekerler kontentti ne akkaýnttardy joıýmen ıa bolmasa olardy Meta platformalarynda buǵattaýmen aınalyspaıdy, buǵan jaýapty emes. Faktchekerler Facebook, Instagram jáne Threads jelilerindegi jalǵan aqparatty áshkerelep, qanshalyqty burmalanǵany jóninde baǵa beredi. Kontent pen Meta-nyń tártibine sáıkestikti tekserý proesi táýelsiz faktchekıń júrgizetin úshinshi tarap baǵdarlamasynan bólek jumys isteıdi.
«Meta platformalaryndaǵy jalǵan aqparatty azaıtýǵa qatysty jumysymyz jalǵasyp jatyr jáne búgin Factcheck.kz Meta kompanııasynyń Qazaqstandaǵy úshinshi taraptyń faktilerdi tekserý baǵdarlamasyna qosylǵanyna qýanyshtymyz. Meta platformalaryn qoldanýshylardyń senimdi aqparat tutynýy úshin istep jatqan jumysymyzǵa Factcheck.kz atsalysady», - dedi Meta kompanııasynyń strategııalyq seriktestikti damytý menedjeri Nıkol Han.
