Meta korporasiiasy Facebook, Instagram jäne Threads jelılerındegı dezinformasiiany äşkereleu üşın qazaqstandyq Factcheck.kz saityn virusty dezinformasiia men jalǧan aqparatty anyqtaityn baǧdarlamasyna qosty. Būl turaly Factcheck.kz jariialady, dep habarlaidy “Adyrna” ūlttyq portaly.
Üşınşı taraptyŋ faktılerdı tekseru baǧdarlamasy 2016 jyldan berı jūmys ıstep keledı. Sodan berı oǧan dünie jüzınde 60-tan astam tılde jūmys ısteitın ärı Halyqaralyq faktchekiŋ jelısınıŋ (IFCN) qataŋ ırıkteuınen ötken 100-den astam täuelsız ūiym qosyldy. Baǧdarlamaǧa qatysatyn faktchekerler dezinformasiiany äşkerelep, oǧan jalǧan, ışınara ne jartylai jalǧan ia bolmasa özgertılgen degen baǧa beredı.
Meta jalǧan aqparatpen tiımdı küresu üşın kontenttıŋ ras-ötırıgın tekseretın älemnıŋ tükpır-tükpırındegı täuelsız faktchekerlermen serıktestık ornatqan. Faktchekerler aqparatty jalǧan, ışınara jalǧan ia bolmasa özgertılgen dep baǧalaǧan soŋ, Meta paidalanuşylardyŋ ol jaŋalyqty köru mümkındıgın azaitady. Būl jalǧan aqparattyŋ tarauyn tejep, ony köretın adam sanyn azaituǧa kömektesedı. Jalǧan kontenttı jiı jariialaityn paraqşalar, toptar men akkaunttardyŋ körılımı azaiyp, olardyŋ monetizasiia men jarnama jasau mümkındıkterı şekteledı. Jazba jalǧan dep belgılense, Meta jazbany körgen ne ony bölıskısı kelgen adamdarǧa būl turaly eskertedı.
Maŋyzdy eskertu: faktchekerler kontenttı ne akkaunttardy joiumen ia bolmasa olardy Meta platformalarynda būǧattaumen ainalyspaidy, būǧan jauapty emes. Faktchekerler Facebook, Instagram jäne Threads jelılerındegı jalǧan aqparatty äşkerelep, qanşalyqty būrmalanǧany jönınde baǧa beredı. Kontent pen Meta-nyŋ tärtıbıne säikestıktı tekseru prosesı täuelsız faktchekiŋ jürgızetın üşınşı tarap baǧdarlamasynan bölek jūmys ısteidı.
«Meta platformalaryndaǧy jalǧan aqparatty azaituǧa qatysty jūmysymyz jalǧasyp jatyr jäne bügın Factcheck.kz Meta kompaniiasynyŋ Qazaqstandaǧy üşınşı taraptyŋ faktılerdı tekseru baǧdarlamasyna qosylǧanyna quanyştymyz. Meta platformalaryn qoldanuşylardyŋ senımdı aqparat tūtynuy üşın ıstep jatqan jūmysymyzǧa Factcheck.kz atsalysady», - dedı Meta kompaniiasynyŋ strategiialyq serıktestıktı damytu menedjerı Nikol Han.
