Meta كورپوراتسياسى Facebook, Instagram جانە Threads جەلىلەرىندەگى دەزينفورماتسيانى اشكەرەلەۋ ءۇشىن قازاقستاندىق Factcheck.kz سايتىن ۆيرۋستى دەزينفورماتسيا مەن جالعان اقپاراتتى انىقتايتىن باعدارلاماسىنا قوستى. بۇل تۋرالى Factcheck.kz جاريالادى، دەپ حابارلايدى “ادىرنا” ۇلتتىق پورتالى.
ءۇشىنشى تاراپتىڭ فاكتىلەردى تەكسەرۋ باعدارلاماسى 2016 جىلدان بەرى جۇمىس ىستەپ كەلەدى. سودان بەرى وعان دۇنيە جۇزىندە 60-تان استام تىلدە جۇمىس ىستەيتىن ءارى حالىقارالىق فاكتچەكيڭ جەلىسىنىڭ (IFCN) قاتاڭ ىرىكتەۋىنەن وتكەن 100-دەن استام تاۋەلسىز ۇيىم قوسىلدى. باعدارلاماعا قاتىساتىن فاكتچەكەرلەر دەزينفورماتسيانى اشكەرەلەپ، وعان جالعان، ءىشىنارا نە جارتىلاي جالعان يا بولماسا وزگەرتىلگەن دەگەن باعا بەرەدى.
Meta جالعان اقپاراتپەن ءتيىمدى كۇرەسۋ ءۇشىن كونتەنتتىڭ راس-وتىرىگىن تەكسەرەتىن الەمنىڭ تۇكپىر-تۇكپىرىندەگى تاۋەلسىز فاكتچەكەرلەرمەن سەرىكتەستىك ورناتقان. فاكتچەكەرلەر اقپاراتتى جالعان، ءىشىنارا جالعان يا بولماسا وزگەرتىلگەن دەپ باعالاعان سوڭ، Meta پايدالانۋشىلاردىڭ ول جاڭالىقتى كورۋ مۇمكىندىگىن ازايتادى. بۇل جالعان اقپاراتتىڭ تاراۋىن تەجەپ، ونى كورەتىن ادام سانىن ازايتۋعا كومەكتەسەدى. جالعان كونتەنتتى ءجيى جاريالايتىن پاراقشالار، توپتار مەن اككاۋنتتاردىڭ كورىلىمى ازايىپ، ولاردىڭ مونەتيزاتسيا مەن جارناما جاساۋ مۇمكىندىكتەرى شەكتەلەدى. جازبا جالعان دەپ بەلگىلەنسە، Meta جازبانى كورگەن نە ونى بولىسكىسى كەلگەن ادامدارعا بۇل تۋرالى ەسكەرتەدى.
ماڭىزدى ەسكەرتۋ: فاكتچەكەرلەر كونتەنتتى نە اككاۋنتتاردى جويۋمەن يا بولماسا ولاردى Meta پلاتفورمالارىندا بۇعاتتاۋمەن اينالىسپايدى، بۇعان جاۋاپتى ەمەس. فاكتچەكەرلەر Facebook, Instagram جانە Threads جەلىلەرىندەگى جالعان اقپاراتتى اشكەرەلەپ، قانشالىقتى بۇرمالانعانى جونىندە باعا بەرەدى. كونتەنت پەن Meta-نىڭ تارتىبىنە سايكەستىكتى تەكسەرۋ پروتسەسى تاۋەلسىز فاكتچەكيڭ جۇرگىزەتىن ءۇشىنشى تاراپ باعدارلاماسىنان بولەك جۇمىس ىستەيدى.
«Meta پلاتفورمالارىنداعى جالعان اقپاراتتى ازايتۋعا قاتىستى جۇمىسىمىز جالعاسىپ جاتىر جانە بۇگىن Factcheck.kz Meta كومپانياسىنىڭ قازاقستانداعى ءۇشىنشى تاراپتىڭ فاكتىلەردى تەكسەرۋ باعدارلاماسىنا قوسىلعانىنا قۋانىشتىمىز. Meta پلاتفورمالارىن قولدانۋشىلاردىڭ سەنىمدى اقپارات تۇتىنۋى ءۇشىن ىستەپ جاتقان جۇمىسىمىزعا Factcheck.kz اتسالىسادى»، - دەدى Meta كومپانياسىنىڭ ستراتەگيالىق سەرىكتەستىكتى دامىتۋ مەنەدجەرى نيكول حان.
