AQSh-taǵy prezıdent saılaýyna Respýblıkalyq partııadan túsip jatqan kandıdat, burynǵy prezıdent Donald Trampqa taǵy da qastandyq jasalmaq boldy, dep habarlaıdy «Adyrna» tilshisi.
Oqıǵa 15 qyrkúıek kúni Florıda shtatynyń Vest Palm-Bıchtegi golf alańynda bolǵan. Reuters basylymynyń málimetinshe, Tramp turǵan jerden 100 metr qashyqtyqtan oq atylǵan. Qupııa qyzmet agentteri bul eks-prezıdentke jasalǵan qastandyq áreket bolýy múmkin dep málimdedi.
Kúdiktini tintý kezinde sýyq qarý, eki rıýkzak jáne GoPro beınekamerasy tabyldy. Qazirgi tańda jasy 58-den asqan Gavaı týmasy – Raıan Ýeslı Roýt ustaldy. Ol buǵan deıin 8 ret ártúrli sebeppen qamaýǵa alynǵan.
Al Tramp áleýmettik jeli arqyly óziniń din aman ekenin jetkizdi.
«Men qaýipsiz jerdemin. Eshkim zardap shekken joq. Eshteńe meni toqtata almaıdy. Men eshqashan berilmeımin!» - dedi ol.
Eske salaıyq, 13 shildede Trampqa Pensılvanııadaǵy saılaýaldy kezdesýde qastandyq jasalǵan bolatyn. Bul oqıǵa kezinde ol jeńil jaraqattandy.
