Aqtaý ákimine sógis jarııalandy

806

Aqtaý ákimine turmystyq qaldyqty tógý nashar uıymdastyrylǵany jáne qalany tazalaý jumystary durys júrgizilmegeni úshin sógis jarııalandy. Búl týraly Mańǵystaý oblysy ákiminiń baspasóz qyzmeti málimdedi, dep habarlaıdy “Adyrna” ulttyq portaly.

Málimet boıynsha, 9 tamyzda ótken apparat keńesinde qalalar men aýdandardyń turmystyq qatty qaldyqtaryn tógý jáne onda sanıtarııalyq tazalyq júrgizý máselesi qaralǵan. Jıynǵa óńir basshysy Nurlan Noǵaev ta qatysqan.

Óńirde sanıtarııa jaǵdaıy jáne eldi mekenderdegi qatty turmystyq qaldyqtardy ýaqytyly shyǵarý máselesi ózekti bolyp tur.  Týrıster men turǵyndar Mańǵystaýdyń tarıhı-mádenı jáne tabıǵı kórikti jerlerine tamaq qaldyqtaryn tastap ketedi. Keıingi ýaqytta oblys ortalyǵynyń turǵyndarynan qoqys jınalyp qalýyna qatysty shaǵym sany aıtarlyqtaı ósken. QTQ ýaqtyly shyǵarylmaýy jaqyn mańdaǵy aýdandardyń, ıaǵnı Munaıly aýdany men Túpqaraǵan aýdany Aqshuqyr aýylynyń turǵyndaryn da alańdatyp otyr.

"Eldi mekenderdiń sanıtarııa jaǵdaıy alańdatady. Aqtaýdyń lastanýyna jol berýge bolmaıdy. Telegram-arnaǵa túsken shaǵymdardyń kópshiligi qoqys jınaý jáne ony tógý problemasyna baılanysty bolyp otyr. Qaldyqtardy ýaqtyly jınamaý qala sulýlyǵy men turǵyndardyń densaýlyǵyna keri áserin tıgizedi. Bul - qala ákimi jumysynyń durys uıymdastyrylmaýynyń nátıjesi", - dedi Nurlan Noǵaev.

Jumysty durys uıymdastyrmaǵany úshin aımaq basshysy Aqtaý ákimine, onyń orynbasaryna jáne TKSh bóliminiń bastyǵyna sógis jarııalaǵan.

”Adyrna” ulttyq portaly 

Pikirler
Uqsas jańalyqtar