Bıyl 11 myń etnıkalyq qazaq qandas mártebesin aldy. Bul týraly Eńbek jáne halyqty áleýmettik qorǵaý mınıstrligi málimdedi, dep habarlaıdy “Adyrna” ulttyq portaly.
1 qyrkúıektegi jaǵdaı boıynsha 11 165 etnıkalyq qazaq tarıhı otanyna oralyp, qandas mártebesin aldy. 1991 jyldan bastap respýblıkaǵa barlyǵy 1 mln 99,1 myń etnıkalyq qazaq oraldy, dep habarlady QazAqparat.
Osy jyldyń basynan bastap Qazaqstanǵa kelgen qandastardyń jartysynan astamy (69,6%) – Ózbekstannan, 10,5% – QHR-dan, 7,1% – Túrkimenstannan, 4,6% – Mońǵolııadan jáne 8,3% – basqa elderden.
Kelgen etnıkalyq qazaqtar negizinen Almaty (30,8%), Mańǵystaý (17,2%), Túrkistan (9,4%) jáne Jambyl (6,8%) oblystarynda, sondaı-aq Almaty (5,9%), Nur-Sultan (7,5%) jáne Shymkent (7,6%) qalalarynda qonystandy.
Osy jylǵy 1 qyrkúıektegi jaǵdaı boıynsha eńbekke qabiletti jastaǵy etnıkalyq qonys aýdarýshylardyń sany – 59,5%, eńbekke qabiletti jastan kishi adamdar – 27,1% jáne zeınetkerler – 13,4%.
Eńbekke qabiletti jastaǵy qandastardyń bilim deńgeıi boıynsha 12,3% – joǵary bilimdi, 38,9% – arnaıy orta bilimdi, 47% – jalpy orta bilimdi jáne 1,7%-ynyń bilimi joq.
“Adyrna” ulttyq portaly
