Beısenbi kúni Almaty oblystyq sotynyń sot alqasy adam óltirgeni úshin sottalǵan azamatty merziminen buryn bosatý týraly qaýlynyń kúshin joıdy, dep habarlaıdy “Adyrna” ulttyq portaly.
Jas Alash málimetinshe, bankır Erjan Tátishevti óltirgeni úshin sottalǵan Murathan Toqmádıdi shartty túrde merziminen buryn bosatý týraly qaýly kúshin joıǵan. Bul aqparatty Qonaev soty málimdegen.
«Almaty oblysy Qonaev qalasy sotynyń Murathan Toqmádıdi shartty túrde merziminen buryn bosatý týraly ótinishti qanaǵattandyrý týraly 26 shildedegi qaýlysynyń kúshi joıyldy», - dedi sýdıa.
Prokýror Toqmádıdiń shartty túrde merziminen buryn bosatý týraly ótinishin qanaǵattandyrýsyz qaldyrýdy suraǵan.
Sot kezinde marqum Erjan Tátishevtiń uly Alpamys Tátishev te sóz sóılep, sottalýshynyń merzimnen buryn bosatylýyna qarsy ekenin aıtty.
«Men búkil otbasymnyń atynan kisi óltirgeni úshin sottalǵan Murathan Toqmádıdi shartty túrde merziminen buryn bosatýdan bas tartýdy suraımyn. Ol meniń ákemniń ómirin qıdy jáne ony jaqsy kóretin jáne baǵalaıtyn barlyq adamdardyń ómirin joıdy. Meniń ákem Erjan Tátishev jábirlenýshi, biraq bárimiz de osy salqyn qandy jáne qandy qylmystyń qurbany bolyp, alty jarym jyl ǵana jazasyn ótep, qanisherdiń bostandyqqa shyǵýyna qarsymyz», - dedi ol.
Murathan Toqmádı buǵan deıin shartty túrde merziminen buryn bosatý týraly úsh ret ótinish berilipti.
Qylmysker dep tanylǵan Toqmádı 2017 jyly bankır Erjan Tátishevti óltirgenin moıyndap, buǵan Muhtar Áblıazov tapsyrys bergenin málimdegen bolatyn.
