«Bız millioner emespız!». Aqtöbenıŋ Prigorodnyi auylynyŋ tūrǧyndary äkımnen avtobus mäselesın şeşıp berudı sūraidy. Äitpese, taksi jürgızuşılerıne jem boldyq dep otyr. Qoǧamdyq kölık dūrys qatynamaitynyn bılıp alǧan kölıktegıler baǧany aspandatyp jıbergen. Kün saiyn qalaǧa qatynau üşın kemı 5000 teŋge sūraityn körınedı. Auyldyqtardyŋ bazynasyn tyŋdap kelgen Aqbaian Sūltanmūratova jalǧastyrady.
Būl turaly «Euraziia» bırınşı arnasy habarlaidy.
Prigorodnyi eldı mekenı qaladan 15 şaqyrym jerde. Aqtöbenıŋ Almaty audanyna qaraidy. Tūrǧyndar qoǧamdyq kölıkten küder üzgen. Ainaldyrǧan ekı avtobus üş myŋ halqy bar auylǧa azdyq etedı degen jūrt, onyŋ özı uaqytyly jürmeitınıne aşynady.
NAZİRA DOSJANOVA, PRİGORODNYI AUYLYNYŊ TŪRǦYNY: «Bır saǧat, saǧat jarym, keide tıptı synyp qalǧanda ekı saǧatqa deiın barady. Qaladaǧy jūmysqa baratyn balalarymyz keşıgıp barady, ünemı taksimen bara almaidy, aqşa az».
Avtobus kütıp şarşaǧan jūrt amalsyz taksi şaqyrady eken. Kündız taksiler adam basyna bır baǧytqa 500 teŋge alsa, jeke bır özıŋ taksi jaldau qymbatqa tüsedı.
AINAGÜL TYNYŞTYQQYZY, PRİGORODNYI AUYLYNYŊ TŪRǦYNY: «Men kajdyi balaǧa «İndraivermen» şaqyram, 2000-2500-ǧa kelmeidı tıptı. Olar sosyn jolǧa şyǧady, keide bolady tüiıp ketedı».
Prigorodnyidaǧylar körşı auyldyŋ avtobusymen qatynap ta körıptı, bıraq, onyŋ öz jolauşylary bar, ärı auylǧa soqpaidy dep otyr. Jinalǧan jūrt äkımnen auylǧa jüretın avtobustardyŋ jüru uaqytyn retteudı sūraidy. Baǧytqa künıne 4-5 avtobus şyǧarsa, jaǧdai tüzeler edı dep sanaidy. Al ekı avtobustyŋ ärqaisysy auylǧa künıne 6 ret qatynaidy eken.
- İnterval qanşa?
- 1 saǧat.
- Negızgı talap sondai ma?
- Joq endı...
- Keide ekı saǧat kütıp qalamyz deidı...
- Bolady şyǧar, bılmedım ol jaǧyn. 2 saǧat bolmaidy, ötırık aita beredı.
- Nege ekı-aq avtobus?
- Endı jetpei jatqan şyǧar, qaidan bıleiın?
Äkım-qaralar halyqtyŋ şaǧymynan habardar. Alaida, qoǧamdyq kölık mäselesıne qalalyq äkımdık jauapty, bız tek aryzdy jetkızuşımız dep otyr.
AMANBEK ŞALABAEV, ALMATY AUDANY ÄKIMDIGI TŪRǦYN ÜI-KOMMUNALDYQ ŞARUAŞYLYQ BÖLIMINIŊ BASŞYSY: «Qoǧamdyq kölık jönınde grafiktıŋ saqtalmauy, uaqytynda jürmeuı sol boiynşa qalalyq JKH jäne avtodorogi bölımıne hat türınde habarlap otyrmyz: Kölık sanyn köbeitu jäne grafik saqtalu kerek».
Qala äkımınıŋ orynbasary №29 baǧyttaǧy intervaldy azaitu maqsatynda avtobus sanyn köbeitetındıkterın aitty. Ol üşın tasymaldauşy mekemege ūsynys aitypty. Qazan aiynan bastap baǧytqa 7 avtobus şyǧatyn bolady.
"Adyrna" ūlttyq portaly
Ūqsas jaŋalyqtar
