V Dúnıejúzilik kóshpendiler oıyndarynda kókpardan Qazaqstan ulttyq quramasy AQSh-tan kelgen kókparshylardy 12-4 esebimen jeńdi. Bul týraly Ulttyq jáne at sport túrleri ortalyǵy málimdedi, dep habarlaıdy “Adyrna” ulttyq porataly.
“AQSh quramasynyń oıyny burynǵyǵa qaraǵanda durystalyp qalǵan. Keshe kókbóri oınaǵan quramy búgin kókpar oınady. Erteń jartylaı fınalda Reseı kókparshylarymen kezdesemiz. Tobymyzda bes qurama bolǵan soń fınalǵa deıin úsh kezdesý ótkizýimiz kerek boldy. Al basty qarsylasymyz Qyrǵyzstan búgin Túrkııany jeńse fınalǵa shyǵyp tur”, – dedi kókpardan ulttyq qurama bas bapkeri Abylaı Mankeev.
«Qazanat» ıppodromynda ótip jatqan kókpar básekesine 9 memlekettiń quramasy qatysyp jatyr. Bul sport túrinen barlyǵy 104 sportshy synǵa túsedi. Kókpardan baq synaıtyn quramalar: Qazaqstan, AQSh, Reseı, Ózbekstan, Qyrǵyzstan, Vengrııa, Qytaı, Mońǵolııa jáne Túrkııa.
Aıta ketsek, fınaldyq oıyndar 12 qyrkúıekte ótedi.
