AQSh prezıdenti saılaýynda respýblıkashyl Donald Tramp 312 daýyspen jeńiske jetti, dep habarlaıdy "Adyrna" ulttyq portaly Associated Press-ke silteme jasap.
Al onyń qarsylasy, demokratııalyq partııa ókili Kamala Harrıs 226 daýysqa ıe bolǵan.
Agenttiktiń málimetinshe, Trampty saılaýshylardyń 50,5%-y qoldasa, Harrıske 48%-y daýys bergen.
Bul saılaý nátıjesi Tramptyń barlyq qubylmaly shtattarda jeńiske jetip, prezıdenttik qyzmetke qaıta oralýyna múmkindik berdi.
Buǵan deıin, Amerıkada turatyn qazaq jýrnalısi Sáken Qaıyrbergenulynan saılaýdyń qyr-syry jáne jeńis pen jeńilistiń sebebi týraly suhbat alǵan edik. Onyń aıtýynsha jergilikti medıa bıylǵy saılaýda Arızona, Djordjııa, Mıchıgan, Pensılvanııa jáne Vıskonsın shtattaryn boljanbaıtyn shtattar dep ataǵan.
