Halyqaralyq reıtıngte Qazaqstan joǵary deńgeıdegi jemqorlyq elderi qatarynan kórindi, dep habarlaıdy “Adyrna” ulttyq portaly.
Transparency International halyqaralyq uıymynyń 2024 jylǵy jemqorlyq ındeksine sáıkes, Qazaqstan 180 eldiń ishinde 88-oryndy ıelenip, 40 ball jınady. Bul eldegi jemqorlyq deńgeıiniń áli de joǵary ekenin kórsetken.
Transparency International Kazakhstan atqarýshy dırektory Murat Danııar Qazaqstandaǵy jemqorlyq el damýyna úlken qaýip tóndiretinin atap ótken.
“Eger bizde erkin BAQ, kúshti azamattyq qoǵam jáne bıliktiń shynaıy eseptiligi bolmasa, jaǵdaı ózgermeıdi. Jýrnalıster men belsendilerge jasalǵan qysym – eleýsiz qaldyrýǵa bolmaıtyn dabyl sıgnaly,” – dedi ol.
Uıymnyń málimetinshe, sot júıesi, atqarýshy bılik jáne bıýdjet qarajatyn maqsatsyz paıdalaný – jemqorlyqtyń eń kóp kezdesetin salalary.
Qazaqstan Ortalyq Azııa elderi arasynda úzdik kórsetkishke ıe bolǵanymen, óńirdegi jalpy jemqorlyq deńgeıi joǵary bolyp otyr. Atap aıtar bolsaq, Túrkimenstan 165-orynda, Tájikstan – 164 orynda, kórshiles Qyrǵyzstan – 146 orynda bolsa, Ózbekstan – 121 orynda eken.
