Túrkistan mýzykalyq drama teatrynyń «Kelinder kóterilisi» qoıylymy óńirlik teatrlar arasynda úzdikter qatarynan tabylyp, «Jyldyń eń úzdik aımaqtyq qoıylymy» nomınaııasyna ıe boldy. Jeńimpazdardy saltanatty marapattaý rásiminde arnaıy syı tabystaldy.
Qazaqstannyń mádenıet, óner jáne sport salasyndaǵy «Kazakhstan Ticketon Awards 2024» jetinshi jáne eń áıgili syılyǵy – Ticketon Awards-qa daýys berý arqyly anyqtalyp otyr. Jalpy daýys berý bir aıǵa jalǵasqan. Oǵan kez kelgen qazaqstandyq qatysqan. Túrli nomınaııa boıynsha barlyǵy 154 620 daýys berilgen. Eń qyzyǵy, sońǵy kúni 5890 daýys berý tirkelgen. Osylaısha sport pen óner salasyndaǵy eń súıikti, talantty jáne eleýli ókilderin tańdady.
«Kelinder kóterilisi» spektakli kórnekti ózbek jazýshy-dramatýrgi Saıd Ahmadtyń eń tanymal jáne tabysty shyǵarmalarynyń biri bolyp sanalady. Pesa otyz jyl buryn jazylǵanymen, áli kúnge deıin ózektiligi men maǵynasyn joǵaltqan emes. Byltyr ǵana Túrkistanda jańa formatta tusaýy kesilgen qoıylymdy kórermen asyǵa kútedi.
Aıta keteıik, atalǵan teatr ujymy úshinshi ret úzdikter qatarynda. 2022 jyly «Bórte» spektakli «Jyl premrasy» nomınıasyn alsa, byltyr «Mahabbat munarasy» «Jyldyń eń úzdik aımaqtyq qoıylymy» nomınaııasyn ıelengen bolatyn.
