Mädeniet jäne aqparat ministrı Aida Balaeva Air Astana äuekompaniiasynyŋ qyzmetkerınıŋ ädepsız qylyǧyna qatysty jelıde jazba jariialady, dep habarlaidy "Adyrna" ūlttyq portaly.
Aida Ǧalymqyzy äuekompaniianyŋ qyzmetkerlerın mädeniettılıktı saqtauǧa, jasy ülken jolauşylarǧa sypaiylyq tanytuǧa şaqyrdy:
"Qūrmettı dostar! Qazaqstannyŋ jäne KSRO-nyŋ halyq ärtısı, aty aŋyzǧa ainalǧan änşı Bibıgül Tölegenovny Air Astana äue kompaniiasynyŋ bortyna otyrǧyzu kezınde bolǧan öte yŋǧaisyz jaǧdai menı de qatty alaŋdatty.
Äue kompaniiasy būl mäsele qatysty tüsınıkteme berıp, äue qauıpsızdıgınıŋ halyqaralyq erejelerı eske saldy. Ärine, ūşaqtyŋ jäne jolauşylardyŋ qauıpsızdıgın qamtamasyz etuge arnalǧan erejeler qataŋ saqtaluǧa tiıs. Degenmen, äue kompaniiasymen pıkır qaişylyǧyna barmai-aq, oryn alǧan jaǧdaiǧa bailanysty öz oiymdy bıldırgım keledı. Naqtyraq aitqanda, äue kompaniiasy men onyŋ qyzmetkerlerı ışkı nūsqaulyqtardan bölek, qarapaiym etikany, adami qarym-qatynasty saqtap, öz klientterıne qūrmetpen qarauy kerek dep esepteimın. Äsırese, jasy ülken jolauşylarǧa, Otan aldynda airyqşa eŋbegı bar adamdarǧa erekşe qūrmet körsetıluge tiıs. Öitkenı aǧa buynǧa qūrmet – tärbie men ışkı mädeniet mäselesı" dep jazdy ol.
Sondai-aq, ministr Bibıgül Tölegenovanyŋ el üşın qūrmettı azamat ekenın eske salyp, ızgı tılegın jazdy.
"Al qazaq önerınıŋ būlbūly, öner maitalmany Bibıgül Ahmetqyzyna zor densaulyq, ūzaq ömır men sarqylmas küş-jıger tıleimın!" dedı Aida Ǧalymqyzy.
Esterıŋızge sala keteiık, bügın Air Astana qyzmetkerınıŋ QR halyq ärtısı Bibıgül Tölegenovaǧa mügedekterge arnalǧan arbada otyrǧanyna qaramastan dörekılık tanytyp, bortqa kırgızbei tūryp alǧanyn jazǧan edık.
