Konstıtýııa kúni Oral qalasyndaǵy Derkól kentinde sý tasqynynan zardap shekken saıajaı turǵyndaryna 103 jańa baspananyń kiltteri tabys etildi. Bul úıler Eurasian Resources Group-tiń (ERG) negizin qalaýshy-akıonerleri bólgen qarajat – (40 mlrd teńge) esebinen salynǵan.
Úılerdi berý rásimine Batys Qazaqstan oblysynyń ákimi Narıman Tóreǵalıev pen «Eýrazııalyq Top» JShS bas dırektorynyń orynbasary Danııar Rahmatýllaev qatysty. Oblys ákimi turǵyndardy qonys toılarymen quttyqtap, jańa baspana kiltterin tabys etti.
«Memleket basshysy Qasym-Jomart Kemelulynyń tapsyrmasyna sáıkes, tasqynnan zardap shekken turǵyndarǵa zań aıasyndaǵy tıisti kómek kórsetildi. Búgin biz Oral qalasynyń saıajaılar alqabynda turyp, tasqynda baspanasynan aıyrylǵandarǵa jańa úılerdiń kiltterin tabys etip jatyrmyz. Bul jalpy óńir úshin úlken qýanysh. Qurylys jumystaryna qoldaý kórsetken ERG kompanııasynyń ókilderine shyn júrekten alǵys aıtamyn», - dedi Narıman Tóreǵalıev.
«Oraldaǵy osy úıler de Eurasian Resources Group (ERG) kompanııasy bólgen qarajatqa satyp alynǵan. Kompanııanyń negizin qalaýshy-akıonerleri tasqynnan zardap shekkender úshn kómekke 40 mlrd teńgeden astam qarajat bólgen. Barsha qonys ıelerin búgingi qýanyshtarymen quttyqtaımyn. Bosaǵalaryńyzdan qut ketpesin! Úılerińiz berekege tolsyn!» – dedi «Eýrazııalyq Top» JShS bas dırektorynyń orynbasary Danııar Rahmatýllaev.
Oraldaǵy «Nurly jol» saıajaıynyń turǵyny Maral Oralovanyń úıi tasqyn kezinde sý astynda qalǵan. Ol memlekettiń kómeginiń arqasynda osyndaı sapaly baspanaǵa ıe bolǵany úshin alǵysyn bildirdi.
«Nurly jol» saıajaıynan úı salǵan bolatynbyz. Kóktemde úıimiz sýǵa ketti. Prezıdentke raqmet, bizdi dalada qaldyrmady. Búgin Derkól kentinen 3 bólmeli úı buıyrdy. Úıdiń ishin qarap shyqtyq, keremet dep aıtsaq bolady. Sapasy da jaqsy», - dedi Maral Oralova.
Aıta keterligi, sý tasqynan zardap shekkender úshin Batys Qazaqstan oblysynda 775 úı salyndy. Onyń 375-si Oral qalasynda, 400-i aýdandarda.
