Şveisariia soty Telegram negızın qalauşy Pavel Durovty ata-ana qūqyǧynan aiyrdy. Būl turaly özın Durovtyŋ üş balasynyŋ anasymyn dep ataǧan İrina Bolgar Instagram paraqşasynda jazdy, dep habarlaidy “Adyrna” ūlttyq portaly.
İrina Bolgardyŋ aituynşa, 2022 jyldyŋ soŋynda Durov oǧan erkınen tys jäne mäjbürlı türde BAÄ-ge köşuın talap etken. Al ol uaqytta ekeuınıŋ arasyndaǧy qarym-qatynas ıs jüzınde toqtaǧanyn aitady.
«Durov maǧan ai saiyn 150 myŋ euroǧa deiın aqşa jūmsauǧa qūqyq beretın notarialdy kuälandyrylǧan merzımsız rūqsattar negızınde jyldar boiy paidalanǧan barlyq kartamdy būǧattady. Men özımnıŋ jäne balalarymnyŋ qūqyqtaryn zaŋdy türde qorǧaitynymdy aitqanymda, ol balalardyŋ europalyq immigrasiialyq qūjattaryn ūzartu turaly kelısımderge qol qoiudan bas tartty»,– dep tüsındırdı ol.
Sondai-aq, ol ultimatum äieldıŋ jäne balalarynyŋ qūqyqtaryn qorǧau üşın europalyq sottarǧa baruyna jol bermeu üşın qoiylǧanyn aitty.
«Ol maǧan Jenevadaǧy balalar men eresekterdı qorǧau tribunalyna jügınuden basqa amal qaldyrmady. Būl arqyly balalardyŋ äkımşılık qūjattaryn öz betınşe ūzartuǧa mümkındık aludy közdedı. Jenevanyŋ qamqorşylyq organdary jürgızgen tergeudı bastady, nätijesınde Durovtyŋ üş balamyzǧa qatysty ata-ana qūqyǧynan aiyru turaly şeşım qabyldandy», – dep bölıstı Bolgar.
İrnia Bolgar qamqorşylyq organdaryna Durovpen bailanysqa şyǧuǧa bolatyn barlyq nomerdı bergenın aitady. Alaida käsıpker jauap bermegen.
Eske sala ketsek, 28 tamyzda Pavel Durov bostandyqqa şyqty. Fransiia soty Telegram iesın qamaudan bosatty. Ol 5 mln euro kölemınde kepıl tölep şyqqan. Degenmen, oǧan Fransiiadan ketuge tyiym saldy.
Ūqsas jaŋalyqtar
