Astanada iadrolyq tehnologiialar men atom energetikasyna arnalǧan KazAtomExpo halyqaralyq körmesı aşyldy, dep habarlaidy "Adyrna" ūlttyq portaly gov.kz-ke sıltep.
Is-şara bügın bolǧan. Jiyn aiasynda qatysuşylarǧa Qazaqstannyŋ atom energetikasy men ǧylym salasyndaǧy jetıstıkterı, sondai-aq elımızdıŋ osy saladaǧy mümkındıkterı tanystyryldy. Körme sondai-aq atom salasyna mamandar daiyndaityn Qazaqstannyŋ jetekşı universitetterınıŋ ǧylymi jäne kadrlyq äleuetın körsettı.
KazAtomExpo-2024 körmesınıŋ erekşelıgı Qazaqstanda atom elektr stansiiasyn saluǧa arnalǧan tehnologiialardy jetkızuşıler retınde qarastyrylatyn älemdık jetekşı kompaniialardyŋ qatysuy boldy. Olardyŋ qatarynda «Qytai ūlttyq iadrolyq korporasiiasy» (CNNC), «Koreianyŋ su jäne iadrolyq energetikalyq korporasiiasy» (KHNP), «Électricité de France» (EDF), sondai-aq reseilık «Rosatom» memlekettık korporasiiasy bar. Būl kompaniialar özderınıŋ innovasiialyq äzırlemelerımen tanystyryp, täjıribelerımen jäne atom energetikasyn damytu josparlarymen bölıstı.
Qazaqstan Respublikasynyŋ Energetika ministrı Almasadam Sätqaliev «QazAtomEkspo» körmesınıŋ elımızdıŋ atom energetikasyn damytudaǧy maŋyzdylyǧyn atap öttı. Ol atom energetikasy Qazaqstan üşın negızgı quat közıne ainalyp, energetikalyq jüienıŋ tūraqty damuyna yqpal ete alatynyn atap öttı. Ministr sondai-aq, atom energiiasyn paidalanu kezınde ekologiialyq aspektılerdıŋ maŋyzdylyǧyna toqtalyp, atom elektr stansiiasyn salu boiynşa josparlanǧan respublikalyq referendumdy eske saldy.
«Eŋ maŋyzdy mındet – jalpy ūlttyq referendum ötkızu. Bız ärbır azamatqa öz pıkırın bıldırıp, energetikalyq jüiemızdıŋ bolaşaq damu jolyn anyqtauǧa mümkındık bergımız keledı. Būl referendum Qazaqstannyŋ atom energetikasynyŋ bolaşaǧyn aiqyndaudaǧy maŋyzdy qadam bolmaq», - dedı Almasadam Sätqaliev.
Sondai-aq ministr halyqaralyq jäne otandyq serıktesterge körmege qatysqandary üşın alǧysyn bıldırdı. «Bız bügın qatysuşylarymyzǧa Qazaqstanǧa kelıp, qazaqstandyqtardyŋ atom energetikasy turaly sūraqtaryna jauap beruge kelıskenderı üşın alǧys aitamyz. Olardyŋ qatysuy men maŋyzdy mäselelerdı talqylauǧa daiyndyǧy bızdıŋ elımız üşın aşylyp jatqan mümkındıkterdı tereŋırek tüsınuge jäne baǧalauǧa yqpal etedı», - dep qosty ministr.
Almasadam Sätqaliev sondai-aq: «Bügınde bızdıŋ elımız tömen kömırtegın damytu jäne kömırtegı beitaraptyǧyna qol jetkızu üşın bırqatar strategiialyq qūjattardy qabyldady. Būl qūjattarda balamaly jäne jasyl energiia tehnologiialaryna investisiiany ūlǧaitu, kömır öndıru ülesın kezeŋ-kezeŋmen qysqartu jäne 2060 jylǧa qarai jaŋartylatyn energiia közderı men balamaly energiia ülesın arttyru qajettıgı turaly aitylady».
Ministr Qazaqstannyŋ aldynda atom önerkäsıbınıŋ bolaşaǧyna jäne elımızdıŋ bükıl energetikalyq jüiesınıŋ tūraqty damuyna eleulı äser etetın taŋdau aldynda tūrǧanyn atap öttı. «Būl taŋdaular bolaşaqta energetikalyq qauıpsızdık pen tūraqty energiia öndırudı qalai qamtamasyz etetınımızdı anyqtaidy. Ärbır qadam ǧylymi derekterge, halyqaralyq täjıribege jäne tūraqty damu qaǧidattaryna negızdelgenı maŋyzdy», - dep tüiındedı ministr.
Körmenıŋ maŋyzdy oqiǧalarynyŋ bırı plenarlyq otyrys boldy, onda qatysuşy kompaniialardyŋ delegasiialarynyŋ basşylary söz söiledı. Kezdesu barysynda atom salasynyŋ jai-küiı men Qazaqstanda atom elektr stansasyn salu perspektivalary, sondai-aq atom energiiasyn beibıt maqsatta paidalanudy damytudyŋ özektı mäselelerı talqylandy.
Ūqsas jaŋalyqtar
