Qazaqstandyq gaz óńdeý zaýytynyń dırektory Bolat Baıshýaqov 65 mıllıon teńgeden astam qarjy jymqyrdy degen kúdikke ilindi, dep habarlaıdy “Adyrna” ulttyq portaly QR Sybaılas jemqorlyqqa qarsy is-qımyl agenttigine siltep.
«Sybaılas jemqorlyqqa qarsy qyzmet Mańǵystaý oblysy boıynsha «Qazaq gaz óńdeý zaýyty» JShS dırektoryna qatysty sotqa deıingi tergeý júrgizip jatyr», - delingen habarlamada.
Ol múlikti aýkıonsyz zańsyz satty degen kúdikke ilindi. Keltirilgen shyǵyn kólemi 65 mıllıon teńgeden asady.
Baıshýaqov qazir qamaýda otyr. Ol bul qyzmetke 2023 jyldyń basynda kelgen.
Zaýyt «ÓzenMunaıGaz» AQ, «MańǵystaýmunaıGaz» AQ, «Tasbýlat Oıl Korporeıshn» JShS jáne «Tenge Oil&Gas» JShS ken oryndarynan tabıǵı, ilespe munaı gazy men gaz kondensatyn óńdeýmen aınalysady.
