Qoǵam belsendisi, Kereký óńiriniń týmasy Danııar Jumadil Cport federaııasynyń ishki qurylymyndaǵy keleńsizdikterge qatysty pikir bildirip, memleketten bólingen qarjynyń jelge ushyp otyrǵanyn habarlady, dep jazdy "Adyrna" ulttyq portaly.
Danııar Jumadil ulttyq sportty qoldaý máselesin aıta kelip, memleket qarjysyn úlestirgeni úshin ǵana paıda taýyp otyrǵan «Jaýyngerlik óner qaýymdastyǵyn» synady:
- Búgin «Miras» keńesiniń otyrysynda ulttyq sportty qoldaý máselesin sóz ettik. Pavlodar oblysynyń sport basqarmasynyń basshylyǵy esep berdi.
Ókinishke qaraı, bul baǵytta kemshilik kóp. Jıynda ózimiz biletin, basymyzdan ótkergen máseleni kóterdim.
Kezinde K. Másimov bıiginde otyrǵan tusta aımaqtar boıynsha buıryqpen «Jaýyngerlik óner qaýymdastyǵy» qurylǵan bolatyn. Ol uıym bizdiń aımaqtada jumys isteýde. Bul — sport basqarmasy men ózge sport federaııalary arasyndaǵy deldal. Artyq qurylym!
Búginde túrli sport federaııalaryna bólinetin onysyz da az qarajat osy «Jaýyngerlik óner qaýymdastyǵy» arqyly úlestiriledi. Nonsens! Jeke sport qaýymdastyqtaryn ekinshi qaýymdastyqqa baǵynyshty etip qoıǵan.Al aradaǵy atalmysh deldal uıym bıýdjet qarajatyn úlestirgeni úshin paıda taýyp otyr. Ol kimge kerek?
Ózge sport federaııalary osy kúnge deıin bul qate júıege talaı shaǵymdandy. Biraq, «Jaýyngerlik óner qaýymdastyǵy» áli jumys istep tur. Bul kimge paıdaly?
Sóz sońynda avtor quzyrly mekemelermen baılanysqanyn habarlady. Ol tekseristiń júrgizilýin talap etti.
- Osy máseleni quzyrly organdardyń qaraýyna joldaý týraly sheshim qabyldadyq. Tıisti tekserý júrýi tıis, - dep jazdy azamat.
"Adyrna" ulttyq portaly
