Áskerge óz aıaǵymen ketip, múgedek bolyp oralǵan sarbaz Erbaıan Muhtardyń vıdeosy áleýmettik jelide úlken rezonans týdyrdy. Jaǵdaıǵa qatysty mınıstrlik túsinikteme berdi, dep habarlaıdy "Adyrna" ulttyq portaly.
Jelide taraǵan vıdeoda Erbaıan Muhtardyń áskerge óz erkimen ketkeni, alaıda, keıinirek aýrýhanaǵa túsip, búginde dármensiz kúıde jatqany aıtylǵan. Jigit komada 6 aıdan astam ýaqyt boıy jatqan.
Erbaıan Muhtar áskerde qyzmet etý kezinde basynan jaraqat alǵan. Qazir ol sóıleı almaıdy, tamaqtana almaıdy jáne ózdiginen dem ala almaıdy. Ulttyq ulannyń baspasóz qyzmeti jaraqat alý deregi boıynsha tergeý bastalǵanyn málimdedi.
"Qatardaǵy Erbaıan Muhtar basynan jaraqat alý deregi boıynsha Qylmystyq kodekstiń 440-baby, 3-bóligi, 4-tarmaǵy boıynsha qylmystyq is qozǵaldy ("áskerı qyzmetshiler arasyndaǵy densaýlyqqa aýyr zııan keltirýmen ózara qarym-qatynastardyń jarǵylyq erejelerin buzý"). Qazirgi ýaqytta barlyq qajetti saraptama taǵaıyndaldy. Sotaldy tergeý jalǵasyp jatyr. Tergeý barysy IIM IID basshylyǵynyń baqylaýynda", - delingen IIM Ulttyq ulanynyń baspasóz qyzmetiniń habarlamasynda.
Sondaı-aq, vedomstvo ońaltý aıaqtalǵannan keıin "ata-anasynyń suraýy boıynsha Erbaıan Muhtar úıine jiberildi" dep málimdedi. Jas jigittiń múgedektigin resimdeý máselesi sheshilip jatyr.
"Sonymen qatar, IIM Ulttyq ulanynyń bas qolbasshylyǵy Behterev atyndaǵy psıhıatrııa jáne nevrologııa Ulttyq medıınalyq zertteý ortalyǵyna, Kırov atyndaǵy Áskerı-medıınalyq akademııaǵa jáne Reseı Federaııasynyń professor Polenov atyndaǵy Reseı ǵylymı-zertteý neırohırýrgııalyq ınstıtýtyna, sondaı-aq Túrkııa elshiligine keńes kómek kórsetý jáne aýrýhanaǵa jatqyzý máselesin qaraý úshin hattar joldady", - dep habarlady IIM Ulttyq ulanynyń baspasóz qyzmeti.
