Äskerge öz aiaǧymen ketıp, mügedek bolyp oralǧan sarbaz Erbaian Mūhtardyŋ videosy äleumettık jelıde ülken rezonans tudyrdy. Jaǧdaiǧa qatysty ministrlık tüsınıkteme berdı, dep habarlaidy "Adyrna" ūlttyq portaly.
Jelıde taraǧan videoda Erbaian Mūhtardyŋ äskerge öz erkımen ketkenı, alaida, keiınırek auruhanaǧa tüsıp, bügınde därmensız küide jatqany aitylǧan. Jıgıt komada 6 aidan astam uaqyt boiy jatqan.
Erbaian Mūhtar äskerde qyzmet etu kezınde basynan jaraqat alǧan. Qazır ol söilei almaidy, tamaqtana almaidy jäne özdıgınen dem ala almaidy. Ūlttyq ūlannyŋ baspasöz qyzmetı jaraqat alu deregı boiynşa tergeu bastalǧanyn mälımdedı.
"Qatardaǧy Erbaian Mūhtar basynan jaraqat alu deregı boiynşa Qylmystyq kodekstıŋ 440-baby, 3-bölıgı, 4-tarmaǧy boiynşa qylmystyq ıs qozǧaldy ("äskeri qyzmetşıler arasyndaǧy densaulyqqa auyr ziian keltırumen özara qarym-qatynastardyŋ jarǧylyq erejelerın būzu"). Qazırgı uaqytta barlyq qajettı saraptama taǧaiyndaldy. Sotaldy tergeu jalǧasyp jatyr. Tergeu barysy IIM IID basşylyǧynyŋ baqylauynda", - delıngen IIM Ūlttyq ūlanynyŋ baspasöz qyzmetınıŋ habarlamasynda.
Sondai-aq, vedomstvo oŋaltu aiaqtalǧannan keiın "ata-anasynyŋ sūrauy boiynşa Erbaian Mūhtar üiıne jıberıldı" dep mälımdedı. Jas jıgıttıŋ mügedektıgın resımdeu mäselesı şeşılıp jatyr.
"Sonymen qatar, IIM Ūlttyq ūlanynyŋ bas qolbasşylyǧy Behterev atyndaǧy psihiatriia jäne nevrologiia Ūlttyq medisinalyq zertteu ortalyǧyna, Kirov atyndaǧy Äskeri-medisinalyq akademiiaǧa jäne Resei Federasiiasynyŋ professor Polenov atyndaǧy Resei ǧylymi-zertteu neirohirurgiialyq institutyna, sondai-aq Türkiia elşılıgıne keŋes kömek körsetu jäne auruhanaǧa jatqyzu mäselesın qarau üşın hattar joldady", - dep habarlady IIM Ūlttyq ūlanynyŋ baspasöz qyzmetı.
Ūqsas jaŋalyqtar
