Almatydan Máskeýge bara jatqan júk kóligi men jeńil kólik soqtyǵysyp, jol apaty oryn aldy, dep habarlaıdy "Adyrna" ulttyq portaly.
Jeńil kólik júrgizýshisi túrli dene jaraqatyn alyp, aýrýhanaǵa jetkizildi. Al júk kóligi aýdarylyp qalǵan.
Jol-kólik apaty búgin saǵat 14:00-de Aqtóbe qalasyndaǵy Ońtústik aınalma jolda eki kólik soqtyǵysty.
Aqtóbe oblystyq PD málimetinshe, jeńil kólik júrgizýshisi rýlge ıe bola almaı qalǵan.
«Jedel járdem oqıǵa ornyna baryp, 1 adamdy aýrýhanaǵa alyp ketti. 29 jastaǵy er adamǵa mıy shaıqaldy degen dıagnoz qoıyldy. Ol dárigerlerden keńes alǵan soń aýrýhanaǵa jatýdan bas tartty. Sonymen birge kólikte bolǵan 18 jastaǵy jigit aýrýhanaǵa barýdan bas tartty. Al 38 jastaǵy er adam dárigerge shaǵym aıtpady», - dep habarlady Aqtóbe oblystyq Densaýlyq saqtaý basqarmasynyń baspasóz qyzmeti.
