Qaraǵandyda qaza tapqan kenshilerdiń qurmetine memorıaldyq eskertkish ornatyldy, dep habarlaıdy "Adyrna" ulttyq portaly.
Kostenko atyndaǵy shahtanyń aýmaǵynda 2023 jyldyń 28 qazanynda 46 kenshi qaza tapqan. Qaraǵandy oblysy ákimdiginiń málimetinshe, kenshilerdiń týystary men áriptesteri, bılik ókilderi, Qarmet kompanııasynyń basshylyǵy kóz jumǵan shahterlerdi eske alyp, gúl shoqtaryn qoıýǵa jınaldy.
"Kostenko shahtasyndaǵy qaıǵyly oqıǵa qaraǵandylyqtardyń ǵana emes, barlyq qazaqstandyqtardyń júreginde tereń iz qaldyrdy. Bul orny tolmas qaıǵy. Qaza tapqandardyń týystary men jaqyndaryna shyn júrekten kóńil aıtqym keledi. Sol kúnderi memleket basshysy jaqyndarynan aıyrylǵan otbasylardy qoldaý úshin Qaraǵandyǵa jeke ózi keldi. Biz ár otbasyna qajetti qoldaý men kómek alýy úshin qoldan kelgenniń bárin jasadyq. Elbasy bizdiń oblysqa sońǵy sapary barysynda kenshiler úshin eńbek qaýipsizdigi men laıyqty jumys jaǵdaılaryn qamtamasyz etýge basa nazar aýdarý kerektigin taǵy da qaıtalady", – dedi Qaraǵandy oblysynyń ákimi Ermaǵanbet Bólekpaev.
Memorıaldyń avtory qaraǵandylyq músinshi jáne sýretshi Igor Bagramov boldy.
