Qazaqstan qūramasy men «Zenit» klubynyŋ qorǧauşysy Nūraly Älıp bas bapker Stanislav Cherchesovke qazaq tılınde sūraq qoiǧan jurnalistı «haip jasady» dep aiyptady. Sportşynyŋ būl pıkırı köptıŋ aşuyn tudyrdy, dep habarlaidy “Adyrna” ūlttyq portaly.
Nūraly Älıp qazaq tılınde qoiylǧan sūraqqa jauap beruge aşulanǧan Cherchesovtı qoldap söilegen.
«Cherchesov ol jerde osetin tılınde de jauap bere alam degen. Men ony tüsındım. Öitkenı Qazaqstandaǧy jurnalisterdıŋ bärı orys tılın bıledı. Al ol (jurnalist) qazaq tılınde sūraq qoiady. Ol haip ūstaǧysy keldı», - dedı Nūraly Älıp.
Äleumettık jelıde futbolşynyŋ būl sözın belgılı sport jurnalisı Aslan Qajenov synady.
«Nūreke, sızge ne boldy? Basyŋyzǧa qatty dop tigen be? Qazaqstandaǧy baspasöz mäslihatynda qazaq tılınde sūraq qoiu rasymen haip pa? Endı ne ısteimız? Özıŋ de «Zenitke» auysqan alǧaşqy künderı orysşa sūraqqa qazaqşa ǧana jauap berıp edıŋ ǧoi. Sol kezde saǧan «haip jasady» demedık. Kerısınşe, memlekettık tıldıŋ märtebesın arttyrdy dep quandyq. Al, endı öz elımızde öz tılımızde sūraq qoiǧanymyzdy tömen körıp otyrsyŋ», - dep jazdy sport sarapşysy.
Ūqsas jaŋalyqtar
