Ótken aptadan beri Irak Parlamentine qyzdardyń neke jasyn 15-ten 9-ǵa deıin túsirý ýraly zańjobasy kelip túskeni álem nazaryn aýdardy.
Balalar quqyǵymen aınalysatyn kóptegen elder úlken alańdaýshylyq tanytýda.
Bul qaýipti úrdis. Bizde de birneshe áıeli bar hám sharıǵatpen ómir súrýdi ańsap júrgen jamaǵat bul aqparatqa eki sanyn shapalaqtap, alaqan ysqylap qýanýda.
Irak neke jasyn 9-ǵa túsirmek, Abaı Begeı 16 jastaǵy qyzyn uzatqan.
Áleýmettik jelide Irak áreketin qoldaı jazyp, sharıǵat talaby durys dep qutyndap pikir jazǵandary qorqynyshty.
Irak bylaı tursyn, bizde de 16 jastan bastap qyz uzatý jarnamasy jasala bastaǵan sııaqty. Abaı Begeı degen bireýdiń kámelettik jasqa tolmaǵan qyzyn turmysqa bergeni jalpaq jurtqa jarııa bolýda.
Qazaqstannyń zańy boıynsha nekege turýǵa 18 jastan ruqsat etiledi. Tek júkti bolyp, áke-sheshesi arnaıy organdardan ruqsat alsa ǵana zańdy múmkindik beriledi.
Arnaıy organdar bul máseleni qaraý kerek. Ásirese, radıkaldy dinı aǵymdarda kámelettik jasqa tolmaǵandarmen astyrtyn neke qıdyryp, zańdy nekege otyrmaıtyndar da bar. Olardyń talaq ete salýy tipti ońaı..
Bir ǵana mysal, Qýandyq Bıshimbaevtyń meshitke baryp, neke qıdyryp, talaq etip, qaıta qıdyrǵany sekildi…
Erjan Tólek
