Bokstan Qazaqstan qūramasynyŋ bas bapkerı Qairat Sätjanov beineündeu jasady, dep habarlaidy "Adyrna" ūlttyq portaly.
Onyŋ videosy federasiianyŋ insta paraqşasynda jariialandy."Memleket jäne Qazaqstan boks federasiiasynyŋ basşylyǧy senım bıldırgenderıŋızge köp rahmet. Būl bız üşın ülken jauapkerşılık dep bılemın. Bügınde Qazaqstan boksynda bırqatar mäsele bar. Ol mäselelerdı özımız Parij Olimpiadasynda kördık. Eŋ aldymen jattyǧu jospary dūrys qūrylmaǧan jäne komandalarmen bırıkken oqu-jattyǧu jiyndary ötpegen. Alǧa qoiǧan josparlarymyz öte köp. Olar: jasöspırımder, jastar jäne ūlttyq qūramanyŋ bärıne bırdei köŋıl bölu, Qazaqstanda bolatyn jarystardy, ırıkteu turnirlerın ädıl ötkızu, jattyǧu jiyndarynyŋ bärın bır jüiege keltıru. Komanda jūmysyn jaqsartu üşın şetelden mamandar, atap aitqanda, jalpy dene daiyndyǧynyŋ mamany, ǧylymi top jäne bapker-konsultant şaqyru oiymyzda bar. Qazaqstan ūlttyq qūramasynyŋ bas bapkerı bolu – elge qyzmet etu. El senımın aqtauǧa barymdy salamyn", – dedı ol.
