Bokstan Qazaqstan quramasynyń bas bapkeri Qaırat Sátjanov beıneúndeý jasady, dep habarlaıdy "Adyrna" ulttyq portaly.
Onyń vıdeosy federaııanyń ınsta paraqshasynda jarııalandy.
"Memleket jáne Qazaqstan boks federaııasynyń basshylyǵy senim bildirgenderińizge kóp rahmet. Bul biz úshin úlken jaýapkershilik dep bilemin. Búginde Qazaqstan boksynda birqatar másele bar. Ol máselelerdi ózimiz Parıj Olımpıadasynda kórdik. Eń aldymen jattyǵý jospary durys qurylmaǵan jáne komandalarmen birikken oqý-jattyǵý jıyndary ótpegen. Alǵa qoıǵan josparlarymyz óte kóp. Olar: jasóspirimder, jastar jáne ulttyq quramanyń bárine birdeı kóńil bólý, Qazaqstanda bolatyn jarystardy, irikteý týrnırlerin ádil ótkizý, jattyǵý jıyndarynyń bárin bir júıege keltirý. Komanda jumysyn jaqsartý úshin shetelden mamandar, atap aıtqanda, jalpy dene daıyndyǵynyń mamany, ǵylymı top jáne bapker-konsýltant shaqyrý oıymyzda bar. Qazaqstan ulttyq quramasynyń bas bapkeri bolý – elge qyzmet etý. El senimin aqtaýǵa barymdy salamyn", – dedi ol.
