Bokstan Qazaqstan erler quramasynyń kapıtany aýysty. Bul týraly Olympic.kz málimdedi, dep habarlaıdy “Adyrna” ulttyq portaly.
Málimet boıynsha, 2022 jylǵy Azııa chempıony ári jasóspirimder Olımpıadasynyń chempıony (2018) Aıbek Oralbaı Qazaqstan quramasynyń kapıtany atandy.
“Buǵan deıin bul qyzmetti 2023 jylǵy álem chempıony Aslanbek Shymbergenov atqarǵan bolatyn”, – delingen aqparatta.
Aıbek Oralbaı Parıj Olımpıadasynda óner kórsetti. Ol 92 keli salmaqta synǵa túsip, shırek fınalda ázerbaıjandyq Loreno Alfonso Domıngeske jol bergen bolatyn.
Keıin belgili bolǵandaı, Olımpıadadan soń Aıbek +92 keli salmaqqa aýysty. Aldaǵy Azııa chempıonatyna boksshy asa aýyr salmaqta qatysýy múmkin.
