Qazaqstan seismologtary 6 jeltoqsanǧa qaraǧan tünı jer sılkınısın tırkedı, dep habarlaidy "Adyrna" ūlttyq portaly.
Būl turaly QR Tötenşe jaǧdailar ministrlıgınıŋ baspasöz qyzmetı habarlady.
Ūlttyq seismologiialyq zertteuler jäne aqparat ǧylymi ortalyǧynyŋ mälımetınşe, dümpu Astana uaqytymen 02:04-te bolǧan. Jer sılkınısınıŋ episentrı Almatydan oŋtüstık-batysqa qarai 565 şaqyrym jerde, Özbekstan aumaǧynda ornalasqan.
Türkıstan oblysy aumaǧynda, Şymkent jäne Tarazda şamamen 2 balldyq terbelıs sezılgen.
Ministrlıktıŋ habarlauynşa, qūrban bolǧandar men qiraular turaly aqparat tırkelgen joq. Tiıstı qyzmetter jaǧdaidy baqylauda ūstap otyr.
Qūtqaru qyzmetı tūrǧyndardy üreige boi aldyrmauǧa jäne resmi derekközderden taratylatyn aqparatqa ǧana senuge şaqyrdy.
