Brazılııada 62 adamnyń ómirin jalmaǵan uaq apaty týraly tyń derekter belgili bola bastady, dep habarlaıdy "Adyrna" ulttyq portaly.
9 tamyz kúni bortynda jolaýshylary bar ushaq apatqa ushyrap, 62 adam qaıtys bolǵan edi. Sol sátte uushaqty basqarǵan ushqyshtyń esimi belgili boldy. Ol buryn «Eır Astanada» jumys istegen.
Sheteldik BAQ málimetinshe, brazılııalyq Voepass áýe kompanııasyna tıesili ATR-72-500 ushaǵy Vınhedo qalasyna jaqyn jerde apatqa ushyrady. 35 jastaǵy kapıtan Danılo Santos Romano ushqysh bolǵan.
«35 jastaǵy kapıtan Danılo Santos Romano juma kúni Brazılııada bolǵan órtten keıin anyqtalǵan alǵashqy qurban boldy», - delingen sheteldik BAQ-ta.
«Eır Astana» ókilderinen alynǵan aqparatqa sáıkes, apatqa ushyraǵan áýe kemesiniń komandıri 2019 jyldyń jeltoqsanynan 2020 jyldyń naýryz aıyna deıin qazaqstandyq áýe kompanııasynda jumys istegen. Ol Airbus A320 ushaǵynda ekinshi ushqysh qyzmetin atqarǵan. Alaıda onyń osy kezeńdegi jalpy ushý ýaqyty nebári 25 saǵatty quraǵan.
«Oqıǵaǵa qatysy bar áýe kemesiniń komandıri 2019 jyldyń jeltoqsanynan 2020 jyldyń naýryzyna deıin Airbus A320 ushaǵynda ekinshi ushqysh retinde ushty. «Eır Astana» kompanııasymen 2020 jyldyń maýsymynda reıs ýaqyty nebári 25 saǵatty qurady», - delingen habarlamada.
Tergeýshiler ushaqtaǵy qara jáshikti tekserýde. Onda apatqa bir mınýt qalǵanda ekinshi ushqyshqa bıiktiktiń kúrt tómendegeni týraly dabyl túskeni kórsetilgen. «Qara jáshikten» alynǵan málimetterdi dekodtaý boıynsha ol komandırge qozǵaltqyshtyń qýatyn arttyrý qajettiligi týraly eskertilgenimen ushaqty qaıta qalpyna keltirý múmkin bolmaǵan.
Jergilikti BAQ habarlaýynsha, ushqyshtar baılanys úzilgenge deıin tótenshe jaǵdaı nemese qolaısyz aýa-raıy týraly habarlamaǵan. Tergeýshiler apattyń sebebin anyqtaýdy jalǵastyrýda.
