Germanııadaǵy qazaqtar Qazaqstanǵa qaıta almaı júr, dep habarlaıdy "Adyrna" tilshisi.
2024 jyldyń 7 naýryzynda Frankfýrt áýejaıynda avıaııalyq qaýipsizdik qyzmetkerleri ereýilge shyqqan.
Sonyń saldarynan Air Astana ushaǵynyń KS921/KS922 "Astana-Frankfýrt-Astana" reısteriniń ushýy toqtatyldy
Kompanııa málimetinshe reıstiń toqtatylýyna baılanysty barlyq jolaýshyǵa habarlama taratylǵan.
"Áýekompanııaǵa baılanysty emes sebeptermen reısterdiń oryndalmaǵanyna jáne sonyń saldarynan týyndaǵan qolaısyzdyqtar úshin keshirim suraımyz. Bıletti qaıtarý jáne qaıta brondaý týraly suraqtar boıynsha áýekompanııanyń call ortalyǵyna habarlasyp, reısttiń mártebesin resmı saıtynan tekserýdi suraımyz", - delingen resmı habarlamada.