Nariman Qūrbanov Parij Olimpiadasynda sporttyq gimnastikanyŋ at snariadyndaǧy jattyǧuda kümıs jüldege qol jetkızdı, dep habarlaidy “Adyrna” ūlttyq portaly.
Otandasymyz aqtyq synda 15.443 ūpai aldy. Osylaişa, Nariman elımızge sporttyq gimnastikadan Olimpiadanyŋ alǧaşqy kümıs medalın syilady.
«Sporttyq gimnastikadan ūlttyq qūrama köşbasşysyn Qazaqstan qorjynyna kümıs jülde salǧanymen şyn jürekten qūttyqtaimyn! Laiyqty türde jeŋıske jettı. Qazaqstan qūramasy üşın öte quanyştymyn jäne osy jüldege sübelı üles qosqan barlyq mamanǧa, jattyqtyruşylarǧa alǧys aitamyn. Osy oraida Narimannyŋ joǧary käsıbilıgın erekşe atap ötkım keledı. Sportşymyzǧa janküierler ülken senım artty, odan medal küttı. Al Nariman Qūrbanov janküierlerdıŋ ümıtın aqtap, Qazaqstan qorjynyna kümıs jüldenı saldy. Būl medal – osy künge deiın tögılgen ter men eselı eŋbektıŋ öteuı dep bılemın. Qazaqstandyq sportşylar älemdık arenada käsıbi şeberlıgın körsetıp jatyr dep maqtanyşpen aita alamyz. Būl – Olimpiadadaǧy soŋǧy jüldemız emes ekenıne, älı de Kök tuymyz kökte jelbıreitınıne senımdımın. Barlyǧyna alǧys aita otyryp, Narimandy kümıs jüldesımen taǧy bır märte qūttyqtaimyn!», - dedı Turizm jäne sport ministrı.
Ūqsas jaŋalyqtar
