“Adyrna” ulttyq portalynyń YouTube arnasyndaǵy “Tarazy baǵdarlamasyna «balyqbegi» atalyp ketken ıhtıolog, balyq ósirýshi Meırambek Pazylbekov keldi.
Ol óz salasynyń túıtkilderin ortaǵa salyp, máseleni retteý jaıly usynystarymen bólisti. Suhbatta balyq sharýashylyǵyn damytý úshin qolǵa alynyp jatqan baǵdarlamalar men onyń bolashaǵy jaıynda aıtyldy.
Suhbat berýshi Qazaqstandaǵy balyq sharýashylyǵyn kórshi elder tájirıbesimen shendestirip, salystyrady. «Árbir balyq - jeke tabıǵı resýrs» dep esepteıdi ol.
Meırambek Pazylbekov aıtýly sý aıdyndaryna ıe Qazaqstannyń sheteldik balyq ónimderine táýeldiligin synaıdy. Aıtýynsha, Qazaqstandaǵy balyq tuqymy tozyp barady. Bul saladaǵy belsendiliktiń tómendigi jáne memleket qoldaýynyń jetimsizdigi salanyń damýyna kedergi keltirip otyr.
«Memleket balyq jemin arzandatsa, balyq baǵasyn da túsirýge bolady» deıdi ol.
