«Adyrna» YouTube arnasynyŋ kezektı qonaǧy – saiasattanuşy, ekonomist ärı sarapşy Janūzaq Äkım. Sūhbat barysynda ol AQŞ prezidentı Donald Tramptyŋ saiasaty, Resei men Batys arasyndaǧy qarym-qatynas, Europadaǧy narazylyqtar jäne Ukrainadaǧy soǧys turaly pıkır bıldırdı.
Sarapşy Fransiiadaǧy köterılısterdıŋ sebepterıne toqtalyp, Europadaǧy demografiialyq ahual men jastar sanynyŋ azaiuy qūrlyqtyŋ bolaşaǧyna qalai äser etetının talqylady. Sonymen qatar Qazaqstannyŋ ekonomikalyq jaǧdaiy, tarifterdıŋ ösuı, syrtqy qaryz, qarjynyŋ şetelge şyǧaryluy jäne mūnai kompaniialarymen aradaǧy daular mäselesın köterdı.
Janūzaq Äkım auyl şaruaşylyǧynyŋ el ekonomikasyndaǧy ülesı tömen ekenın aityp, auyldardy damytpai Qazaqstannyŋ örkendeuı qiyn ekenın atap öttı. Sondai-aq ol Almatynyŋ qarqyndy ösuı, qaladaǧy halyq sanynyŋ artuy jäne sel qaupı turaly söz qozǧady.
