Mysyqqa qatygezdık jasaǧany üşın Aqtau tūrǧyny sotta 100 saǧat qoǧamdyq jūmysqa tartyldy, dep habarlaidy «Adyrna» ūlttyq portaly.
Stan.kz aqparat agenttıgınıŋ mälımetınşe, 2023 jylǧy 12 qazanda Aqtau qalalyq sotynda januarǧa qatygezdık körsetıp, onyŋ ölımıne äkep soqqan A.-ǧa qatysty Qazaqstan Respublikasy QK-nıŋ 316-babynyŋ 2-bölıgımen qylmystyq ıs qaralǧan. Sot anyqtaǧandai, 2023 jyldyŋ 18 qyrküiegınde şamamen saǧat 21:10-da sottaluşy mysyqtyŋ basynan jäne denesınen şvabramen ūrǧan. Sodan keiın ol januardy üidıŋ aldyna tastap ketken. Sottaluşynyŋ zaŋsyz äreketınıŋ saldarynan mysyq ölıp qalǧan. Prokuror sottaluşyny 100 saǧat qoǧamdyq jūmysqa tartudy sūrady. Aiyptaluşy öz kınäsın tolyq moiyndady.«Januarǧa qatygezdıkpen qarau, onyŋ ölımıne äkep soqqany üşın 200 AEK-ke deiıngı mölşerde aiyppūl saludy, ne 200 saǧatqa deiın qoǧamdyq jūmysqa tartu nemese 50 täulıkke deiıngı merzımge qamauǧa aludy közdeidı», – delıngen habarlamada.Sottaluşynyŋ kınäsı odan jauap alu hattamasymen, sondai-aq kuägerdıŋ aiǧaqtarymen jäne mal därıgerınıŋ qorytyndysymen däleldendı. Jauapkerşılık pen jazany auyrlatatyn män-jailar anyqtalǧan joq.
«Sot ükımımen sottaluşy Qazaqstan Respublikasy Qylmystyq kodeksınıŋ 316-babynyŋ 2-bölıgınde közdelgen qylmysty jasaǧany üşın kınälı dep tanylyp, oǧan 100 saǧat merzımge qoǧamdyq jūmystarǧa tartu türındegı jaza taǧaiyndaldy. Ükım zaŋdy küşıne engen joq», – dep habarlady sottyŋ baspasöz qyzmetı.
«Adyrna» ūlttyq portaly
Ūqsas jaŋalyqtar
