Májilis depýtaty Ermurat Bápı Qaırat Satybaldynyń aktıvteri qaıtarylyp jatqany týraly aqparǵa kúmánmen qaraıtynyn málimdedi, dep habarlaıdy «Adyrna» tilshisi.
«Ony shartty túrde merziminen buryn bosatýǵa daıyndap jatyr ma, álde taza raqymshylyq jasaı ma? Urlanǵan aktıvterdi óz erkimen qaıtarǵany jaqsy. Alaıda kórsetilgen sol somalardyń el qazynasyna túsip jatqany qanshalyqty ras? Kórsetilgen resmı sandarǵa senemiz be, álde senbeımiz be, ony tek boljaý ǵana qaldy. Sebebi qaıtarylǵan aktıvter jınaqtalatyn 100% úkimettik kompanııaǵa qoǵamdyq baqylaý júrgizilmeıdi», - dedi ol.
Eske salaıyq, sońǵy kezderi eks-prezıdent Nursultan Nazarbaevtyń nemere inisi Qaırat Satybaldynyń aktıvterdi qaıtaryp jatqany jaıly habar jıilegen bolatyn. Búgin Bas prokýratýranyń Aktıvterdi qaıtarý jónindegi komıteti Qaırat Satybaldynyń memleketke 50 mıllıard teńgeden astam aktıvti qaıtaratynyn aıtqan edi.
