Almatyda Ūly Otan soǧysynyŋ ardagerı Şäŋgerei Janybekovpen qoştasu räsımı öttı. Aqtyq saparǧa şyǧaryp salu räsımu maidanger tūrǧan üide öttı, - dep habarlaidy “Adyrna” ūlttyq portaly.
Ardagerdı jerleu räsımı Keŋsai ziratynda tolyq äskeri qūrmetpen öttı.
Şaraǧa «Qaruly Küşterdıŋ Ardagerlerı» RQB Almaty qalalyq filialynyŋ töraǧasy, otstavkadaǧy polkovnik Tölegen Mūstafin, Almaty garnizonynyŋ, Medeu audandyq qorǧanys bölımınıŋ äskeri qyzmetşılerı, Qazaqstan Qaruly Küşterınıŋ ardagerlerı qatysty.
Şäŋgerei Janybekov 1924 jyly 15 mausymda Qostanai oblysy Denisov audany Qarpyq auylynda düniege kelgen. Jastaiynan jetım qalǧan ol tuystarynyŋ qolynda östı.
Qostanai medisinalyq uchilişesınde bılım alyp, 1942 jyly keŋes äskerı qataryna äskeri feldşer bolyp şaqyryldy. Briansk, Dala jäne Ekınşı Ukraina maidandaryndaǧy ūrystarǧa qatysyp, jaralanǧan jauyngerlerge medisinalyq kömek körsettı.
Ardager Belgorod, Harkov, Poltava, Kremenchug qalalaryn azat etuge, sondai-aq Korsun-Şevchenko, Iаssy-Kişinev operasiialaryna qatysqan. Rumyniiada, Vengriiada, Chehoslovakiiada, Avstriiada faşistık äskerlerge qarsy şaiqastarǧa qatysqan.
Şäŋgerei Jänıbekov 2-därejelı Otan soǧysy, Oktiabr Revoliusiiasy, Eŋbek Qyzyl Tu, Halyqtar Dostyǧy, «Qūrmet», «Parasat» ordenderımen, «Erlıgı üşın», «Faşistık küreske qarsy küreske belsene qatysqany üşın» medaldarymen marapattalǧan (Chehoslovakiia).
Soǧystan keiın de Jänıbekov partiia organdarynda jauapty qyzmetter atqaryp, eŋbek jolyn jalǧastyrdy. 1976 jyly Qazaq KSR Ministrler Keŋesı töraǧasynyŋ orynbasary bolyp taǧaiyndalyp, zeinetkerlıkke şyqqannan keiın Şeteldegı qazaqtarmen mädeni bailanys jönındegı respublikalyq qoǧamdy, Soǧys jäne eŋbek ardagerlerınıŋ Qazaq respublikalyq keŋesın basqardy.
«Şäŋgerei Jänıbekūlynyŋ ömır joly – erlıktıŋ, Otanǧa degen adaldyq pen tazalyqtyŋ ülgısı, onyŋ faşizmdı jeŋudegı jäne Qazaqstannyŋ soǧystan keiıngı damuyna qosqan ülesı halyq jadynda oǧan şeksız berılgendıktıŋ jarqyn simvoly retınde saqtalady», - dep atap öttı Almaty garnizony.
Ūqsas jaŋalyqtar
