Almatyda Uly Otan soǵysynyń ardageri Sháńgereı Janybekovpen qoshtasý rásimi ótti. Aqtyq saparǵa shyǵaryp salý rásimý maıdanger turǵan úıde ótti, - dep habarlaıdy “Adyrna” ulttyq portaly.
Ardagerdi jerleý rásimi Keńsaı zıratynda tolyq áskerı qurmetpen ótti.
Sharaǵa «Qarýly Kúshterdiń Ardagerleri» RQB Almaty qalalyq fılıalynyń tóraǵasy, otstavkadaǵy polkovnık Tólegen Mustafın, Almaty garnızonynyń, Medeý aýdandyq qorǵanys bóliminiń áskerı qyzmetshileri, Qazaqstan Qarýly Kúshteriniń ardagerleri qatysty.
Sháńgereı Janybekov 1924 jyly 15 maýsymda Qostanaı oblysy Denısov aýdany Qarpyq aýylynda dúnıege kelgen. Jastaıynan jetim qalǵan ol týystarynyń qolynda ósti.
Qostanaı medıınalyq ýchılıesinde bilim alyp, 1942 jyly keńes áskeri qataryna áskerı feldsher bolyp shaqyryldy. Brıansk, Dala jáne Ekinshi Ýkraına maıdandaryndaǵy urystarǵa qatysyp, jaralanǵan jaýyngerlerge medıınalyq kómek kórsetti.
Ardager Belgorod, Harkov, Poltava, Kremenchýg qalalaryn azat etýge, sondaı-aq Korsýn-Shevchenko, Iassy-Kıshınev operaııalaryna qatysqan. Rýmynııada, Vengrııada, Chehoslovakııada, Avstrııada fashıstik áskerlerge qarsy shaıqastarǵa qatysqan.
Sháńgereı Jánibekov 2-dárejeli Otan soǵysy, Oktıabr Revolıýııasy, Eńbek Qyzyl Tý, Halyqtar Dostyǵy, «Qurmet», «Parasat» ordenderimen, «Erligi úshin», «Fashıstik kúreske qarsy kúreske belsene qatysqany úshin» medaldarymen marapattalǵan (Chehoslovakııa).
Soǵystan keıin de Jánibekov partııa organdarynda jaýapty qyzmetter atqaryp, eńbek jolyn jalǵastyrdy. 1976 jyly Qazaq KSR Mınıstrler Keńesi tóraǵasynyń orynbasary bolyp taǵaıyndalyp, zeınetkerlikke shyqqannan keıin Sheteldegi qazaqtarmen mádenı baılanys jónindegi respýblıkalyq qoǵamdy, Soǵys jáne eńbek ardagerleriniń Qazaq respýblıkalyq keńesin basqardy.
«Sháńgereı Jánibekulynyń ómir joly – erliktiń, Otanǵa degen adaldyq pen tazalyqtyń úlgisi, onyń fashızmdi jeńýdegi jáne Qazaqstannyń soǵystan keıingi damýyna qosqan úlesi halyq jadynda oǵan sheksiz berilgendiktiń jarqyn sımvoly retinde saqtalady», - dep atap ótti Almaty garnızony.
