Taiauda ǧana Ülken Almaty özenınıŋ boiynda otyrǧyzylǧan aǧaştardy būzaqylar syndyryp ketken, dep habarlaidy "Adyrna" ūlttyq portaly Tengrinews.kz agenttıgıne sıltep.
"Töle bi daŋǧylynan tömen ornalasqan Sairan kölınen şyǧatyn özendı jaǧalap kelemız. Saiajoldyŋ boiynda osyndai aiuandyq ıstep ketıptı. Mūndai sūlulyqty qalai qūrtuǧa bolady? Aǧaştardy jaqynda ǧana otyrǧyzǧan edı. Endı ǧana bürşık atyp kele jatqanda… Osyndyq jauyzdyq jasap ketken. Mūny ıstegenderdıŋ tabylyp, jazalanuyn sūraimyn. Öz qarajatyna syndyrǧan aǧaştardan 10 ese köp etıp otyrǧyzsyn", – deidı video avtory.
Äkımdık belgısız bıreulerdıŋ 30-dan astam köşettı syndyryp ketkenın mälımdedı.
“Atalǧan derek boiynşa biyl 12 tamyzda Äuezov audany äkımdıgı jäne polisiia bölımınıŋ qyzmetkerlerı bırlesıp tekseru jürgızdı. Tekseru barysynda 36 köşettıŋ ortasynan synyp ketkenı belgılı boldy (katalpa – 15 dana, akasiia – 8 dana jäne qaraǧaş – 13 dana). Būl köşetterdı "Stamp servis" JŞS audan äkımdıgımen kelısım jasap otyrǧyzǧan. Kompaniia qyzmetkerlerı qylmyskerlerdı anyqtau üşın Äuezov audandyq ışkı ıster bölımıne aryz tüsırgen”, – delıngen habarlamada.
Polisiia qyzmetkerlerı oqiǧa kuägerlerınen sūhbat alyp, beinebaqylau kamerasyndaǧy beinelerdı zerttep jatyr. Synǧan aǧaştar jaramsyz bolǧandyqtan, küzde merdıger kompaniianyŋ kömegımen köşetterdı qaita otyrǧyzbaq.
Almaty äkımdıgınıŋ mälımetınşe, aǧaştardy syndyrǧan adamdar anyqtalǧan soŋ Äkımşılık qūqyq būzuşylyq turaly kodeksınıŋ 386-babyna säikes (Jasyl ekpelerdı kütıp-ūstau jäne qorǧau qaǧidalaryn būzu) eskertu jasalyp nemese jeke tūlǧalarǧa 30 AEK, şaǧyn käsıpkerlık subektılerı nemese kommersiialyq emes ūiymdar üşın – 60, orta käsıpkerlık subektılerı üşın – 100, ırı käsıpkerlık subektılerı üşın – 300 AEK mölşerınde aiyppūl salynady.
Ūqsas jaŋalyqtar
