Taıaýda ǵana Úlken Almaty ózeniniń boıynda otyrǵyzylǵan aǵashtardy buzaqylar syndyryp ketken, dep habarlaıdy "Adyrna" ulttyq portaly Tengrinews.kz agenttigine siltep.
"Tóle bı dańǵylynan tómen ornalasqan Saıran kólinen shyǵatyn ózendi jaǵalap kelemiz. Saıajoldyń boıynda osyndaı aıýandyq istep ketipti. Mundaı sulýlyqty qalaı qurtýǵa bolady? Aǵashtardy jaqynda ǵana otyrǵyzǵan edi. Endi ǵana búrshik atyp kele jatqanda… Osyndyq jaýyzdyq jasap ketken. Muny istegenderdiń tabylyp, jazalanýyn suraımyn. Óz qarajatyna syndyrǵan aǵashtardan 10 ese kóp etip otyrǵyzsyn", – deıdi vıdeo avtory.
Ákimdik belgisiz bireýlerdiń 30-dan astam kóshetti syndyryp ketkenin málimdedi.
“Atalǵan derek boıynsha bıyl 12 tamyzda Áýezov aýdany ákimdigi jáne polıııa bóliminiń qyzmetkerleri birlesip tekserý júrgizdi. Tekserý barysynda 36 kóshettiń ortasynan synyp ketkeni belgili boldy (katalpa – 15 dana, akaııa – 8 dana jáne qaraǵash – 13 dana). Bul kóshetterdi "Stamp servıs" JShS aýdan ákimdigimen kelisim jasap otyrǵyzǵan. Kompanııa qyzmetkerleri qylmyskerlerdi anyqtaý úshin Áýezov aýdandyq ishki ister bólimine aryz túsirgen”, – delingen habarlamada.
Polıııa qyzmetkerleri oqıǵa kýágerlerinen suhbat alyp, beınebaqylaý kamerasyndaǵy beınelerdi zerttep jatyr. Synǵan aǵashtar jaramsyz bolǵandyqtan, kúzde merdiger kompanııanyń kómegimen kóshetterdi qaıta otyrǵyzbaq.
Almaty ákimdiginiń málimetinshe, aǵashtardy syndyrǵan adamdar anyqtalǵan soń Ákimshilik quqyq buzýshylyq týraly kodeksiniń 386-babyna sáıkes (Jasyl ekpelerdi kútip-ustaý jáne qorǵaý qaǵıdalaryn buzý) eskertý jasalyp nemese jeke tulǵalarǵa 30 AEK, shaǵyn kásipkerlik sýbektileri nemese kommerııalyq emes uıymdar úshin – 60, orta kásipkerlik sýbektileri úshin – 100, iri kásipkerlik sýbektileri úshin – 300 AEK mólsherinde aıyppul salynady.
