Ulttyq Olımpıada komıtetiniń (UOK) prezıdenti Gennadıı Golovkın Parıjde ótip jatqan Olımpıada oıyndarynda qazaq boksshysy Nazym Qyzaıbaıdy marapattaý rásimine qatysty, - dep habarlaıdy “Adyrna” ulttyq portaly.
Bul týraly jazbasyn Instagram paraqshasynda jarııalady.
«Nazymdy Olımpıada júldesimen quttyqtaımyn. Marapattaý rásimine qatysyp, ózińdi arnaıy quttyqtaǵanyma qýanyshtymyn», - dep jazdy Golovkın.
Esterińizge sala keteıik, qazaqstandyq boksshy Nazym Qyzaıbaı 50 keli salmaq dárejesinde úshinshi oryndy enshiledi. Ol úshin Parıjdegi oıyndar onyń mansabyndaǵy birinshi Olımpıada boldy.
Marapattaý rásiminen keıin Golovkın ony qola medal jeńip alýymen quttyqtady. Ol Qyzaıbaıdyń debıýttik Olımpıadaǵa qatysqanyna qaramastan, «álemdegi eń myqty sportshylardyń biri» ekenin taǵy bir márte dáleldeı alǵanyn atap ótti.
