Bokstan Qazaqstan áıelder komandasynyń úzdigi, 50 keli salmaqta Parıj Olımpıadasynyń qola júldegeri Nazym Qyzaıbaı elge oraldy. Bul týraly Sport jáne týrızm mınıstrligi jazdy, dep habarlaıdy “Adyrna” ulttyq portaly.
Sportshyny Almatynyń halyqaralyq áýejaıynda týǵan-týystary men jankúıerleri, sondaı-aq BAQ ókilderi kútip aldy. Franııada el abyroıyn asqaqtatqan boksshyǵa qurmet kórsetilip, kópshilik ystyq yqylaspen qarsy aldy.
«Jalpy Olımpıada jaqsy ótti. Jattyqtyrýshylarym jaqsy daıyndap, qola medalǵa qol jetkizdik. Jeńiske jetkenimdi endi sezinip jatyrmyn. Barlyq jankúıerlerge myń alǵys», - dedi ol.
