Eki kúnnen beri tolassyz jaýǵan jańbyr saldarynan Astana kóshelerin sý basty, - dep habarlaıdy “Adyrna” ulttyq portaly.
“Qazgıdromettiń málimetinshe, Qazaqstan astanasynda eki kúnde 48 mıllımetr jaýyn-shashyn tústi. Negizi qazirgi ýaqyttaǵy aılyq norma – 31 mıllımetr jaýyn-shashyndy quraıdy. Osylaısha, eki táýlikte jaýǵan jaýyn-shashyn mólsheri bir jarym aılyq normadan asyp tústi”, dep túsindirdi qala ákimdiginiń baspasóz qyzmeti.
Onyń aıtýynsha, barlyq kommýnaldyq qyzmetter kúsheıtilgen rejımde jumys istep jatyr. Búkil qala boıynsha 200-den astam arnaıy tehnıka jumyldyrylǵan jáne olar sý sorý jumystaryn júrgizýde. Sonymen birge, sınoptıkterdiń boljaýynsha, jaýyn áli de birneshe saǵatqa sozylady.
«Kommýnaldyq qyzmetter kollektorlar men jańbyr sýy kiretin jerlerdi tazartý, bý shyǵarý qubyrlary, sý sorý, nóser káriz júıeleri men tazartý qurylystaryn salý boıynsha turaqty jumys júrgizýde», - dep atap ótti ákimdikte.
Sý tasqynyna baılanysty birqatar kóshelerde kólik qozǵalysy shekteldi:
- Turan dańǵylynyń boıymen Kereı jáne Jánibek handar kóshelerimen Uly Dala dańǵylyna qaraı;
- Hýseın Ben Talal kóshesiniń boıymen Uly Dala dańǵylyna qaraı;
- Uly Dala dańǵylynyń boıymen Qabanbaı batyr dańǵylynan jáne Aıtmatov kóshesinen;
- Nájimedenova kóshesi Táýelsizdik kóshesinen Amanjolova kóshesine deıin.
Qala bıligi qala turǵyndary men qonaqtaryn mundaı qolaısyz aýa raıy kezinde jolǵa shyqpaýǵa shaqyrdy.
