FlyArystan áýe kompanııasy 12 jastaǵy qyz balany bortqa kirgizbeı, Astana áýejaıynda qaldyryp ketken. Bul týraly jasóspirimniń anasy Jazıra Mýsına aıtty, dep habarlaıdy “Adyrna” ulttyq portaly.
«2024 jyldyń 20 shildesinde meniń balalarym (egiz) Ǵalıeva Zere men Ǵalıeva Zaýre Amerıkadan úıge oraldy. Balalar tobymen birge senimdi adamnyń jetekteýimen Astana arqyly Oralǵa ushqan... Flyarystan qyzmetkerleri Záýreni tirkep, Zereni tirkemeı qoıǵan. Olar tehnıkalyq aqaýlardy jóndegen soń balany bortqa ózderi otyrǵyzatynyn aıtyp, toptyń jetekshisin sendirgen. Meniń balalarymnyń búkil qujaty durys. Sonda FlyArystan qyzmetkerleri ushaqta oryn joq bolǵany úshin balamdy kirgizbeı qoıǵan ba? Ushaq Oralǵa ushyp ketken, al meniń qyzym Zere Astana áýejaıynda qaraýsyz qalyp qalǵan», - dedi ol.
12 jasar Zere 3 saǵat boıy FlyArystan tirkeýiniń janynda otyrǵan. Anasyna «ne isteımin, qaıda baramyn» dep jylap telefon soqqan.
«Bala kelesi kúni basqa reıspen úlken kisiniń qaraýynsyz ushyp keldi. Ol bizdiń qasymyzda, aman-esen. Biraq bolǵan jaǵdaıdy umyta alar emespin, óıtkeni bul kez-kelgen balanyń basyna túsýi múmkin. Balaǵa nemquraıly, jaýapsyz qaraýdyń arty qorqynyshty jaǵdaılarǵa ákep soǵýy múmkin», - dedi ol.
Jazıra Mýsına balanyń qaýipsizdigine nemquraıly qaraǵan kompanııanyń áreketine ashýly. Ol Azamattyq avıaııa komıtenine jáne Bala quqyqtary jónindegi ýákil Dınara Zákıevaǵa júgingen.
«Biz FlyArystan-nyń is-áreketine tekserý júrgizilip, kámeletke tolmaǵan balanyń quqyǵyn buzǵany úshin jaýapqa tartylady dep úmittenemiz», - dep jazdy Jazıra Mýsına.
Áýe kompanııasy artynsha keshirim suraǵan.
«Biz bolǵan jaǵdaıǵa baılanysty shyn júrekten keshirim suraımyz. Avıakompanııa muqııat tekseris júrgizedi, qabyldanǵan sharalar týraly sizge mindetti túrde habarlaımyz», - dep jaýap bergen FlyArystan qyzdyń anasyna.
