Ózbekstan Parıjdegi Olımpıada oıyndarynda medal esebinde Qazaqstan quramasyn basyp ozdy, dep habarlaıdy "Adyrna" ulttyq portaly.
Keshe, 8 tamyz kúni Ózbekstan sportshylary birden eki altyn medal ıelendi. 22 jastaǵy ózbekstandyq taekvondoshy Ulyqbek Rashıdov pen 31 jastaǵy boksshy Hasanboı Dýsmatov el qorjynyna altyn saldy. Ekeýi de eki dúrkin Olımpıada chempıony atanyp otyr.
Osylaısha 206 eldiń ishinde Ózbekstan jalpy komandalyq esepte 18-oryndy enshiledi. Jalpy alǵanda kórshi eldiń aktıvinde úsh altyn jáne eki qola bar. Al Qazaqstan quramasy 28-den 31-shi orynǵa tústi. Bizdiń komandanyń qorjynynda jeti medal bar - bir altyn (dzıýdoshy Eldos Smetov), úsh kúmis (grek-rım stıliniń balýany Demeý Jadraev, gımnast Narıman Qurbanov, boksshy Nurbek Oralbaı) jáne úsh qola júlde (dzıýdoshy Ǵusman Qyrǵyzbaev, boksshy Nazym Qyzaıbaı, mergender Aleksandr Le jáne Islam Sátbaev).
