Bilıktı asyra paidalandy dep aiyptalǧan būrynǧy Işkı ıster ministrı Erlan Tūrǧymbaevtyŋ ısıne qatysty ükım şyqty. Būl turaly Astananyŋ qylmystyq ıster jönındegı audanaralyq soty mälımdedı, dep habarlaidy “Adyrna” ūlttyq portaly.
Astana qalasynyŋ qylmystyq ıster jönındegı audanaralyq soty auyr zardaptarǧa äkep soqqan bilıktı asyra paidalandy dep aiyptalǧan T.-ǧa qatysty qylmystyq ıstı qarady (QR QK 362-babynyŋ 4-bölıgı).
Aqparatqa säikes, būl ıs "qūpiia" degen belgımen kınänı moiyndau nysanynda ıs jürgızu kelısımımen kelıp tüstı. Sondyqtan onyŋ qaraluy jabyq sot otyrysynda öttı.
Sotta prokuror aiypty qoldap, sottan 5 jylǧa bas bostandyǧynan aiyru jazasyn taǧaiyndaudy sūrady.
Būl rette QK-nıŋ 63-baby negızınde jazany probasiialyq baqylaudy belgılei otyryp, sol merzımge şartty türde dep aiqyndaudy sūrady.
Sottaluşynyŋ kınäsın tolyq moiyndap, öz ısıne ökıngenı aitylady. Sot ükımımen eks-ministr qylmys jasaǧany üşın kınälı dep tanylyp, belgılı bır lauazymdardy atqaru qūqyǧynan 10 jylǧa aiyra otyryp, 5 jylǧa bas bostandyǧynan aiyryldy. Sot el prezidentıne eks-ministrdı arnauly ataqtan jäne memlekettık nagradalardan aiyru turaly ūsynys engızu turaly şeşım qabyldady. Ükım zaŋdy küşıne engen joq. Būrynǧy ışkı ıster ministrı Erlan Tūrǧymbaev biyl säuırde ūstalǧan. Keiın eks-şeneunıktıŋ ekı aiǧa qamauǧa alynǧany habarlandy. 19 şıldede būrynǧy ışkı ıster ministrı Erlan Tūrǧymbaevtyŋ ısı sotqa tüsken edı. 1962 jyly 14 tamyzda tuǧan Erlan Tūrǧymbaev zaŋ ǧylymdarynyŋ kandidaty, polisiia general-leitenanty. «Bilık nemese qyzmet ökılettılıgınıŋ şegınen şyqqany üşın qylmystyq jauapkerşılık» taqyrybynda kandidattyq dissertasiia qorǧaǧan. 2022 jylǧy Qaŋtar oqiǧasynan keiın ministr qyzmetınen tüsırılgen ol prezident keŋesşısı bolyp taǧaiyndalǧan. Marapattary:- I jäne II därejelı «Daŋq» ordenınıŋ tolyq kavalerı;
- II därejelı «Aibyn» ordenı;
- I därejelı «Qaisar» belgısı;
- «Euraziialyq ekonomikalyq odaqtyŋ damuyna qosqan ülesı üşın» medalı;
- mereitoilyq jäne vedomstvolyq medaldar;
- Işkı ıster ministrlıgıne Eŋbek sıŋırgen qyzmetkerı.
