Bılikti asyra paıdalandy dep aıyptalǵan burynǵy Ishki ister mınıstri Erlan Turǵymbaevtyń isine qatysty úkim shyqty. Bul týraly Astananyń qylmystyq ister jónindegi aýdanaralyq soty málimdedi, dep habarlaıdy “Adyrna” ulttyq portaly.
Astana qalasynyń qylmystyq ister jónindegi aýdanaralyq soty aýyr zardaptarǵa ákep soqqan bılikti asyra paıdalandy dep aıyptalǵan T.-ǵa qatysty qylmystyq isti qarady (QR QK 362-babynyń 4-bóligi).
Aqparatqa sáıkes, bul is "qupııa" degen belgimen kináni moıyndaý nysanynda is júrgizý kelisimimen kelip tústi. Sondyqtan onyń qaralýy jabyq sot otyrysynda ótti.
Sotta prokýror aıypty qoldap, sottan 5 jylǵa bas bostandyǵynan aıyrý jazasyn taǵaıyndaýdy surady.
Bul rette QK-niń 63-baby negizinde jazany probaııalyq baqylaýdy belgileı otyryp, sol merzimge shartty túrde dep aıqyndaýdy surady.
Sottalýshynyń kinásin tolyq moıyndap, óz isine ókingeni aıtylady.
Sot úkimimen eks-mınıstr qylmys jasaǵany úshin kináli dep tanylyp, belgili bir laýazymdardy atqarý quqyǵynan 10 jylǵa aıyra otyryp, 5 jylǵa bas bostandyǵynan aıyryldy.
Sot el prezıdentine eks-mınıstrdi arnaýly ataqtan jáne memlekettik nagradalardan aıyrý týraly usynys engizý týraly sheshim qabyldady.
Úkim zańdy kúshine engen joq.
Burynǵy ishki ister mınıstri Erlan Turǵymbaev bıyl sáýirde ustalǵan.
Keıin eks-sheneýniktiń eki aıǵa qamaýǵa alynǵany habarlandy.
19 shildede burynǵy ishki ister mınıstri Erlan Turǵymbaevtyń isi sotqa túsken edi.
1962 jyly 14 tamyzda týǵan Erlan Turǵymbaev zań ǵylymdarynyń kandıdaty, polıııa general-leıtenanty. «Bılik nemese qyzmet ókilettiliginiń sheginen shyqqany úshin qylmystyq jaýapkershilik» taqyrybynda kandıdattyq dıssertaııa qorǵaǵan. 2022 jylǵy Qańtar oqıǵasynan keıin mınıstr qyzmetinen túsirilgen ol prezıdent keńesshisi bolyp taǵaıyndalǵan.
Marapattary:
- I jáne II dárejeli «Dańq» ordeniniń tolyq kavaleri;
- II dárejeli «Aıbyn» ordeni;
- I dárejeli «Qaısar» belgisi;
- «Eýrazııalyq ekonomıkalyq odaqtyń damýyna qosqan úlesi úshin» medali;
- mereıtoılyq jáne vedomstvolyq medaldar;
- Ishki ister mınıstrligine Eńbek sińirgen qyzmetkeri.
