Ilon Masktyń kompanııasy Neuralink ekinshi paıentke chıpti sátti ımplantaııalady. Bul týraly Ilon Mask ǵalym Leks Frıdmanmen ótkizgen podkastynda aıtty, dep habarlaıdy “Adyrna” ulttyq portaly.
Ilon Mask podkast barysynda ekinshi ımplantpen «bári jaqsy ótkenin» aıtty. Sondaı-aq, onyń aıtýynsha, osy jyly kompanııa 10 paıentke chıpterdi ımplantaııalaýdy josparlap otyr.
«Men ony buzǵym kelmeıdi, biraq ekinshi ımplantpen bári jaqsy ótti… Jaqsy sıgnal bar, elektrodtar kóp», - dedi Mask.
Kásipker operaııanyń qalaı ótkeni týraly málimetterdi jarııalamady. Maýsym aıynda bastapqyda ekinshi Neuralink chıpin ımplantaııalaý josparlanǵan paıent medıınalyq sebepterge baılanysty operaııadan bas tartty.
Sonymen qatar, Neuralink julynǵa elektrodtardy ımplantaııalaý arqyly sal aýrýyna shaldyqqan adamdarda aıaq-qoldyń jumysyn qalpyna keltirý úshin jumys istep jatqanyn aıtty. Bul julynnyń zaqymdalýyn «áleýetti sheshim» bola alady.
Eske salsaq, qańtar aıynda Neuralink elektrondyq qurylǵylardy aqyl-oımen basqarýǵa múmkindik beretin alǵashqy neırochıpti ımplantaııalady. Birinshi naýqas Nolan Arbo boldy. Ol shamamen segiz jyl buryn apattan ıyǵynan tómen sal bolyp qaldy. 20 aqpanda Mask bul adam chıptiń kómegimen kompıýter ekranyndaǵy kýrsordy basqarýdy úırengenin aıtty.
Business Insider basylymyna Arbo operaııadan keıingi ómir týraly aıtty. Ol chıpti X (burynǵy Twitter) jáne basqa áleýmettik jelilerde habarlamalar jazý, elektrondyq hattar jiberý, oıyndar oınaý, onlaın komıksterdi oqý jáne japon tilin úırený úshin paıdalanady.
«Chıp maǵan álemmen, dostarymmen jáne otbasymmen qaıta baılanysýǵa múmkindik berdi. Men oıanǵanda jáne ózimdi maǵynaly nárse istep jatqandaı sezingende, ımplant maǵan jańa maqsattar berdi», - dep qosty ol.
Ol sondaı-aq chıp ımplantaııalanǵannan keıin onyń ómiri «áldeqaıda jaqsaryp» jáne táýelsiz bola bastaǵanyn atap ótti.
