Bokstan Olımpıada chempıony Baqyt Sársekbaev áriptesi ári dosyna erekshe jazba arnady, dep habarlaıdy "Adyrna" ulttyq portaly.
2008 jylǵy Beıjiń Olımpıadasynyń chempıony Baqyt Sársekbaev Ózbekstan boks quramasynyń bas bapkeri Tolqyn Qylyshevty shákirtteriniń jeńisimen quttyqtady.
Ózbekstan quramasynyń boksshylary Parıj Olımpıadasynda 5 altyn medal jeńip aldy. Atap aıtqanda, Hasanboı Dýsmatov (51 kg), Abdýmalık Halokov (57 kg), Asadhýdjı Mýıdınhýdjaev (71 kg), Lazızbek Mýllajonov (92 kg) jáne Bahodır Djalolov (92+ kg) Olımpıada chempıony atandy.
"Men Tolqyndy bala kezinen bilemin. Ekeýimiz ınternatta birge óstik, birge oqydyq, ustazdardan tálim aldyq. Sol kezdegi dostyǵymyzdy umytý múmkin emes! Baýyrym Tolık! Seni komandańnyń jarqyn jetistigimen quttyqtaımyn! Sender tarıh jasadyńdar! Seniń eńbekqor ekenińdi bilemin, osy jetistik úshin baryńdy saldyń. Saǵan zor densaýlyq tileımin!", - dep jazdy Baqyt Sársekbaev Instagram jelisindegi resmı paraqshasynda. Eske salaıyq, Tolqyn Qylyshev Parıjde shákirtiniń jeńisin toılaý kezinde kenetten júregi toqtap qalyp, aýrýhanaǵa túsken edi. Keıin ózbekstandyq boksshylar bapkerdiń jaǵdaıyn bilýge bardy.
