Astanadaǵy aqyly mektepterdiń birinde 8-synyp oqýshysy óz qatarlasyna elektroshoker qoldanyp, onyń esinen tanyp qalýyna sebep boldy. Oqıǵa bilim ordasynyń dálizinde oryn alǵan, dep habarlaıdy "Adyrna" ulttyq portaly KTK telearnasy.
Toq soqqan oqýshy birden edenge qulap, mekteptiń medıınalyq pýnktine jetkizilgen. Dárigerler oǵan alǵashqy kómek kórsetkenimen, bala shamamen eki saǵat boıy esin jııa almaǵan. Tek sodan keıin ǵana mektep ákimshiligi jedel járdem shaqyryp, oqýshy №2 kópbeıindi aýrýhanaǵa jatqyzyldy. Dárigerler onyń jaǵdaıyn turaqtandyryp, qajetti em-dom jasady.
Bul oqıǵa ata-analardyń narazylyǵyn týdyrdy. Olar mektepke balalardyń sómkelerin tekseretin arnaıy skaner ornatýdy talap etýde.
"Aı saıyn mıllıon teńgeden astam aqsha tóleımiz, biraq balalarymyzdyń qaýipsizdigine eshqandaı kepil joq. Oqýshylar synypqa qalaǵan zatyn alyp kire beretin bolsa, jaǵdaı budan da ýshyǵýy múmkin. Mektep ákimshiligi qaýipsizdik sharalaryn kúsheıtýi tıis", – deıdi ata-analardyń biri Álııa Dashkeeva.
Quqyq qorǵaý organdary oqıǵany "buzaqylyq" baby boıynsha tergeýge aldy. Buzaqylyq jasaǵan oqýshynyń ata-anasyna hattama toltyrylyp, tergeý amaldary bastaldy. Qazirgi ýaqytta mektep ákimshiligi men tıisti organdar qaýipsizdik sharalaryn qaıta qarastyrýda.
