«Ǵasyrdyń qara tańbasyna» aınalǵan Qytaıdyń uıǵyrlarǵa qarsy saıasaty adam shoshyrlyq. Sebebi uıǵyrlarǵa agressııalyq sıpattaǵy saıasat kórsetip kelgen Qytaıdan ózge elder de qorqaıyn dedi. Máselen, Qytaı SIM habarlaýynsha, Ózbekstan Qytaıdyń batysyndaǵy Shyńjań-Uıǵyr avtonomdy aýdanyndaǵy Qytaı saıasatyn qoldaıtyn 50 eldiń tiziminde. Alaıda buǵan deıin Qytaıdan batystyń 22 eliniń elshileri Shyńjańdaǵy etnıkalyq uıǵyrlar men musylmandardy jappaı ustaýdy toqtatýyn ótingen. Reseı, Tájikstan jáne Túrkimenstan da aıaqasty Qytaıdyń «saıqal» saıasatyn qoldaı jóneldi. Bul týraly Qytaıdyń syrtqy ister mınıstrligine silteme jasaı otyryp habarlady.
Atalmysh elder Qytaıdyń lańkestik jolynda sátti kúresip jatqanyn jáne «adam quqyqtaryn qorǵaýda» aıtarlyqtaı jetistikterge qol jetkizgenin atap kórsetýde.
Musylman elderi de Qytaıdyń saıasatyn qoldady
Sonymen qatar musylman elderi Qytaıdyń uıǵyrlarǵa qatysty saıasatyn da qoldady. Bul tizimge Oman, Kýveıt, Katar, BAÁ, Bahreın, Pákistan, Saýd Arabııasy jáne Sırııa, sonymen qatar kóptegen Afrıka elderiniń, Kýba, Mıanma, Fılıppın ókilderi kiredi.
Shyńjań oqıǵalary
2018 jyldyń basynda BAQ Qytaı bıligi Shyńjań Uıǵyr avtonomııalyq aýdanynyń 120 myńnan astam azamatyn terrorıstik shabýyldardyń aldyn alý maqsatynda lagerlerdegi túzetý jumystaryna jiberdi dep habarlady.
Izkesýshilik pen tutqynǵa alý qaýpi tónip turǵan Provınııanyń musylman halqy qysym kórdi dep aıtyldy. Alaıda Qytaı bıligi bul aqparatty joqqa shyǵaryp, eldegi adamdardyń etnıkalyq jáne dinı quqyqtary shektelmegen dep sendirdi.
Ózbekstan SIM túsinikteme bergen joq
Ózbekstannyń Syrtqy ister mınıstrligi Ózbekstannyń Qytaıdyń Shyńjańdaǵy saıasatyn qoldaıdy degen habarlamasyna túsinikteme bergen joq.
Eske salaıyq, jaqynda Qytaı, musylman meıramhanalaryna arab áripteri men ıslamǵa qatysty nyshandardy alyp tastaýdy buıyrǵan bolatyn.
"Adyrna" ulttyq portaly
