Qazaqqa Jəkishev sııaqty azamat prezıdent bolsa ǵana joǵyn túgeldeıdi, urlaǵanyn qaıtarady. Jəkishev ǵalym, ar men ujdannyń adamy, Respýblıkalyq mamandandyrylǵan fızıka-matematıka mektebiniń túlegi. Məskeý ınjenerlik fızıka ınstıtýtynyń túlegi. Arzymaıtyn ýaqytta QazAtomÓnerkəsibin əlemdik deńgeıge shyǵara bildi. Onyń bar aıyby Japonııa men Kanadanyń ozyq óndiristik tehnologııasyn tıimdi paıdalanyp, Reseılikterdi yǵystyryp, qazaq múddesine jumys jasaý ǵana edi. Eger onyń ornynda men degen jigitter bolǵanda da uzaq merzimnen qabyrǵasy sógilip, ótirik jala men ótirik qylmysyn moıyndaı salyp, tym uzaq merzimin qysqartýǵa tyrysar edi. Jəkishev olaı jasamady. Olaı jasaýǵa, ózine jabylǵan qarany moıyndaı salýǵa onyń namysy, tazalyǵy jibermedi. Ol minez ben tazalyqtyń adamy. Sol úshin júıege qasqaıyp qarsy otyr. Ol óziniń ujdany men namysyn qurbandyqqa shalǵysy kelmedi. Mine, osy azamat qana naǵyz qaıratker, ǵalym, istiń, eldiń adamy. Qazaq memleketiniń ındýstrııalyq, tehnıkalyq progresiniń revolıýııasyn jasaıtyn da tek osyndaı azamattar. Túrmede ótip jatqan qaıran 10 jyl...
Qazir bular onyń bir aýyz sózinen úreıi ushady. Daryndy tehnokrat Jəkishev bizdiń Lı Kýan Iý bolýy da múmkin. Qazaq Jəkishevtiń darynyn, jan dúnıesin, boıyndaǵy qabiletin, elim degen nıetin qanshalyqty túsine bildi... Túsine bilgende shyǵaryp alar ma edi... Mundaı daryndy ultshyl ulynyń jan dúnıesin qazaq tereń túsine bilgende bir apta da otyrǵyzbas edi.
Bul ultqa, progreske jasalǵan qylmys. Obaly senderdiń bala shaǵalaryńa bolsyn.
Bekbolat QARJAN
"Adyrna" ulttyq portaly
