30 myńnan astam qazaqstandyq pen elorda qonaqtary Leonardo da Vınchıdiń «Ádemi hanshaıym» — La Bella Principessa týyndysyn tamashalady.
Áıgili sýretshiniń tańǵajaıyp kartınasy Italııanyń Qazaqstandaǵy elshiligi, ForteBank, Mastercard, Scripta Maneant, Italııanyń mádenıet ınstıtýty men QR Mádenıet jáne aqparat mınıstrliginiń kúsh-jigeriniń arqasynda Astanadaǵy Ulttyq mýzeıge qoıyldy.
Kórmeni eń alǵashqy bop prezıdent Qasym-Jomart Toqaev tamashalady. Aqordanyń habarlaýynsha, Memleket basshysy maýsym aıynyń basynda Ulttyq mýzeıge baryp, otandyq jáne álemdik beıneleý óneri týyndylaryn kórip qaıtqan. Sondaı-aq Prezıdentke La Bella Principessa kartınasy kórsetildi.
Kórmeniń ashylýy Ulttyq mýzeıdiń on jyldyq mereıtoıymen jáne kartınanyń 528-shi týǵan kúnimen tuspa-tus keldi.
Astanada kórmen ótkizý ıdeıasyn Italııanyń Qazaqstandaǵy elshisi Marko Albertı usynǵan edi. La Bella Principessa
shoýyna daıyndyq alty aıǵa sozyldy, al da Vınchıdiń kartınasyn saqtandyrý quny shamamen 200 mıllıon eýrony quraıdy.
La Bella Principessa – Leonardo da Vınchıdiń XV ǵasyrdyń aıaǵynda salǵan týyndysy, onda ıtalıandyq aqsúıekter otbasynan shyqqan jas qyzdyń portreti beınelengen. Sýretshiniń jumysy búkil álem boıynsha bes ret qana kórmege qoıyldy.
Uıymdastyrýshylardyń pikirinshe, kórme — elordada Da Vınchı kartınasyn kórsetý múmkindigi ǵana emes, sonymen qatar Qazaqstan men Italııa arasyndaǵy mádenı baılanys pen almasýdy damytýǵa jasalǵan qadam
Áıgili sýretshiniń shedevrin kórýge sanaýly kúnder qaldy. Kórme 4 tamyzǵa deıin jalǵasady. Senbi jáne jeksenbi kúnderi QR Ulttyq mýzeıi saǵat 10:00-den 18:00-ge deıin, kassa saǵat 17:00-ge deıin jumys isteıdi.
