Qazaqstandyq oquşylar Şvesiia Koroldıgınıŋ Gioteborg qalasynda ötken 10-şy Europalyq fizika olimpiadasynda joǧary nätije körsetıp, 3 kümıs jäne 1 qola medal ielendı. Būl turaly Oqu-aǧartu ministrlıgı aitty, dep habarlaidy «Adyrna» tılşısı.
Bedeldı halyqaralyq bılım dodasyna älemnıŋ 41 elınen 200-den astam oquşy qatysqan.
Kümıs medal iegerlerı:
• Seitqamit Arǧyn – Astana qalasy Nūra audanyndaǧy jaratylystanu-matematika baǧyttaǧy NIS-tıŋ 11-synyp oquşysy;
• Äbdıqadyr Tair – Qostanai oblystyq daryndy balalarǧa arnalǧan «Bılım-innovasiia» lisei-internatynyŋ 11-synyp oquşysy;
• Sabyrov Mergen – Astana qalasyndaǧy NURORDA mektebınıŋ 10-synyp oquşysy.
Qola medal iegerı:
• Jolaman Abylaihan – Almaty qalasyndaǧy NURORDA mektebınıŋ 10-synyp oquşysy.
Ūlttyq qūramanyŋ halyqaralyq olimpiadaǧa qatysuyn Äl-Farabi atyndaǧy Qazaq ūlttyq universitetınıŋ aǧa oqytuşysy Bekmyrza Beisenov pen halyqaralyq olimpiadalardyŋ jüldegerı Temırlan İsmaǧūlov üilestırgen.
Europalyq fizika olimpiadasy – fizika pänı boiynşa daryndy oquşylardyŋ teoriialyq bılımı men eksperimenttık daǧdylaryn baǧalaityn bedeldı halyqaralyq jarystardyŋ bırı.
