31 şılde künı Abai atyndaǧy Qazaq ūlttyq opera jäne balet teatrynyŋ qyzmetkerlerı jūmystan sebepsız şyǧarylǧandaryn aityp, äleumettık jelıde jazba jariialady. Narazylyq ministrlıktıŋ nazaryna ılıgıp, būl mäselege qatysty tüsınıkteme berdı, dep habarlaidy “Adyrna” ūlttyq portaly.
Jelıde taraǧan beinede jūmystan qysqarǧan Nazerke Äbılqasymova 1 şıldege deiın teatrda 9 kapeldiner jūmys ıstegenın aitty. Al 1 şıldede teatr qyzmetkerlerı, ädette demalysqa şyǧady. Alaida olar eŋbek demalysyna şyǧu üşın ötınış ötkızuge barǧanda özderınıŋ jūmystan bosatylǧanyn bılgen.
"Jūmystan şyǧaru sebebın alda kele jatqan teatrdyŋ 90 jyldyq mereitoiymen bailanysty ekenın aitty. Bız teatrdyŋ zaŋgerıne bırneşe ret bardyq. Ol bızge dörekı türde jauap berıp, ştattyŋ qysqartylatyny turaly qūjatty körsetıp, öz erkımızben jūmystan ketuge keŋes berdı", — deidı ol.
"Joǧary bılıktılıktı qajet etetın lauazymdardy joiyp, jaŋa lauazymdar engızıluıne bailanysty özgerıster bolyp otyr. Osy özgerısterge qatysy bar barlyq qyzmetkerge bos lauazymdar nemese qyzmet körsetu şarty boiynşa jūmys ūsynylǧan, bıraq olar jūmystan bas tartty. Aita keteiık, teatr barlyq ötemaqyny töleitın bolady", delıngen ministrlık habarlamasynda.
QR Mädeniet jäne aqparat ministrlıgınıŋ baspasöz qyzmetı Abai atyndaǧy Qazaq ūlttyq opera jäne balet teatrynyŋ qyzmetkerlerıne qatysty jaǧdai qoldanystaǧy zaŋnamaǧa säikes teatr qūrylymyn qaita jasaqtauǧa bailanysty ekenın naqtylady.
Sonymen qatar, QR Mädeniet jäne aqparat ministrlıgı atalǧan jaǧdaiǧa qatysty zaŋdy tūrǧyda qyzmettık tekseru jürgızıletının, onyŋ nätijelerı keiınırek jariialanatynyn da naqtylady.
Ūqsas jaŋalyqtar
