31 shilde kúni Abaı atyndaǵy Qazaq ulttyq opera jáne balet teatrynyń qyzmetkerleri jumystan sebepsiz shyǵarylǵandaryn aıtyp, áleýmettik jelide jazba jarııalady. Narazylyq mınıstrliktiń nazaryna iligip, bul máselege qatysty túsinikteme berdi, dep habarlaıdy “Adyrna” ulttyq portaly.
Jelide taraǵan beınede jumystan qysqarǵan Nazerke Ábilqasymova 1 shildege deıin teatrda 9 kapeldıner jumys istegenin aıtty. Al 1 shildede teatr qyzmetkerleri, ádette demalysqa shyǵady. Alaıda olar eńbek demalysyna shyǵý úshin ótinish ótkizýge barǵanda ózderiniń jumystan bosatylǵanyn bilgen.
"Jumystan shyǵarý sebebin alda kele jatqan teatrdyń 90 jyldyq mereıtoıymen baılanysty ekenin aıtty. Biz teatrdyń zańgerine birneshe ret bardyq. Ol bizge dóreki túrde jaýap berip, shtattyń qysqartylatyny týraly qujatty kórsetip, óz erkimizben jumystan ketýge keńes berdi", — deıdi ol.
"Joǵary biliktilikti qajet etetin laýazymdardy joıyp, jańa laýazymdar engizilýine baılanysty ózgerister bolyp otyr. Osy ózgeristerge qatysy bar barlyq qyzmetkerge bos laýazymdar nemese qyzmet kórsetý sharty boıynsha jumys usynylǵan, biraq olar jumystan bas tartty. Aıta keteıik, teatr barlyq ótemaqyny tóleıtin bolady", delingen mınıstrlik habarlamasynda.
Sonymen qatar, QR Mádenıet jáne aqparat mınıstrligi atalǵan jaǵdaıǵa qatysty zańdy turǵyda qyzmettik tekserý júrgiziletinin, onyń nátıjeleri keıinirek jarııalanatynyn da naqtylady.
