Belgili óner qaıratkeri, qazaqtyń daryndy baletmeısteri Bolat Aıýhanov ómirden ozdy. Sýyt habar jaıly teart óneriniń maıtalmany, ımpresarıo Elbrýs Imambaev habar aıtty. Bul jaıly "Adyrna" ulttyq portaly jazdy.
Seksen bes jasqa qaraǵan shaǵynda belgili baletmeıster, bıshi, óner talapkerleriniń ulaǵatty ustazy Bolat Aıýhanov ómirden ótti. Bolat Aıýhanov maǵynaly ǵumyr keship, Qazaq balet ónerine ushan-teńiz úles qosty.
Bolat Ǵazızuly Semeıde 1938 jyly dúnıege kelgen. 1955 jyly Almaty horeografııalyq ýchılıesin, 1957 jyly Lenıngradtyń A. Ia. Vaganova atyndaǵy bı akademııasyn bitirgen. Qazaq opera jáne balet teatrynyń bıshisi bolady (1957 – 1959). 1959 – 1964 jyldary GITIS-tiń baletmeısterlik bóliminde oqıdy. 1967 jyly “Almatynyń jas baleti” ansamblin qurdy. Sol jyldan bastap osy ansambldiń bıleri men horeografııalyq mınıatıýralardy, kompozıııalardy (“Aqqý”, “Aıtys”, “Ańshylar bıi”), bir, eki aktyly baletterdi sahnaǵa qoıdy. Sondaı-aq Brýsılovskııdiń “Qyz Jibek” (Sh. Jıenqulovamen birge), D. Shostakovıchtiń 4-sımfonııasy boıynsha “Qylmys pen jaza”, P. Chaıkovskııdiń “Evgenıı Onegın” t. b. baleti negizinde qoıylǵan gran pa (jeke óziniń horeografııalyq boljamdary) tárizdi jumystary qazaq baletiniń ǵana emes, dúnıe júzilik balet tarıhyna engen jańalyqtary boldy. Sońǵy jyldary qoıǵan “Edıt Pıaf – Franııanyń rýhy” atty spektakli synshylar men mamandardyń joǵary baǵasyna ıe boldy. Qazaqstannyń halyq artısi (1973).
Sonymen qatar, Bolat Aıýhanov “Meniń baletim”, “Sezimder ómirbaıany” kitaptaryn jazyp, jaryqqa shyǵardy.
Otandyq balet artısterin tárbıelep shyǵarýǵa da kóp úles qosty. Onyń shákirti L. Álpıeva 1997 jyly Venada ótken halyqaralyq balet artısteri konkýrsynyń 1-syılyǵyn ıemdendi.
"Adyrna" ulttyq portalynyń atynan qaıratkerdiń týǵan-týysqandaryna, zamandastary men shákirtterine qaıǵyra otyryp kóńil aıtamyz. Marqumnyń ıman baılyǵy kemel bolsyn!
